കൊവിഡ് വൈറസിൻ്റെ പുതിയ വകഭേദം കണ്ടെത്തിയതിനെ തുടർന്ന് നെതർലൻഡിൻ്റെ ദക്ഷിണാഫ്രിക്കൻ പര്യടനം ഉപേക്ഷിച്ചു. മൂന്ന് ഏകദിന മത്സരങ്ങൾക്കായി ദക്ഷിണാഫ്രിക്കയിലെത്തിയ നെതർലൻഡ് ഇന്ന് ആദ്യ മത്സരം കളിച്ചിരുന്നു.
പക്ഷെ ഇത് മത്സരം മഴ മൂലം ഉപേക്ഷിച്ചു. തുടർന്നുള്ള പരമ്പരയിലെ മത്സരം ഈ മാസം 28നാണ്നടക്കേണ്ടത്. പക്ഷെ നിലവിലെ സാഹചര്യത്തിൽ അതിനു മുൻപ് തന്നെ ടീം മടങ്ങും.
അതേസമയം, ഇന്ത്യയുടെ എ ടീമും ഇപ്പോൾ ദക്ഷിണാഫ്രിക്കൻ പര്യടനത്തിലാണ്. ഇവർ പക്ഷെ ദക്ഷിണാഫ്രിക്കൻ എയ്ക്കെതിരെ നടക്കുന്ന പര്യടനം തുടരും. ഇതിൽ ആദ്യ മത്സരം മഴ മൂലം സമനിലയിൽ പിരിഞ്ഞിരുന്നു. പര്യടനത്തിൽ ഇനി രണ്ട് ടെസ്റ്റ് മത്സരങ്ങൾ കൂടിയുണ്ട്.
രണ്ടു രാജ്യങ്ങളുടെയും ബോർഡുകളും ഇക്കാര്യത്തിൽ ചർച്ച നടത്തിയിട്ടുണ്ട്. എന്നാൽ അടുത്ത മാസം തീരുമാനിച്ചിരിക്കുന്ന ഇന്ത്യൻ ദേശീയ ടീമിന്റെ പര്യടനം മാറ്റിവെക്കാനാണ് സാധ്യത.
