| വാമിക ലോകത്ത് എവിടെയോ ഒരു രഹസ്യ ഗ്രന്ഥശാല സ്ഥിതിചെയ്യുന്നുണ്ടെന്ന് സങ്കൽപ്പിക്കുക. അവിടെ നാമഫലകങ്ങളോ സന്ദർശക രജിസ്റ്ററോ പ്രവേശന കവാടങ്ങളോ ഇല്ല. ആ ഗ്രന്ഥശാലയ്ക്കുള്ളിൽ മനുഷ്യകുലത്തിന് പ്രാപ്യമാകാൻ പാടില്ലാത്ത അറിവുകൾ അടങ്ങിയ ഒൻപത് പുസ്തകങ്ങൾ സൂക്ഷിച്ചിരിക്കുന്നു. ജനകോടികളുടെ ചിന്തകളെ നിയന്ത്രിക്കാനും, ഗുരുത്വാകർഷണത്തിന്റെ രഹസ്യങ്ങൾ അഴിക്കാനും, ജീവന്റെയും മരണത്തിന്റെയും ദുരൂഹതകൾ വെളിപ്പെടുത്താനും ശേഷിയുള്ള അറിവുകളാണ് അതിലുള്ളത്. എവിടെയാണ് ആ ഗ്രന്ഥങ്ങളെന്നും ആരൊക്കെയാണ് അവ കാത്തുസൂക്ഷിക്കുന്നതെന്നും ആർക്കും അറിയില്ല. മനുഷ്യരാശിയുടെ വിധിതന്നെ തിരുത്തിയെഴുതാൻ പോന്ന...