| കെപിഎസ് വിദ്യാനഗർ
മാറിക്കൊണ്ടിരിക്കുന്ന മലയാള സിനിമയുടെ ഏറ്റവും പുതിയ മുഖമാണ് ഫ്രീഡം ഫൈറ്റ്. സ്വതന്ത്ര ചിന്താഗതിയിലുള്ള പച്ചയായ ചിത്രം. സ്ത്രീപക്ഷ ചിന്തകളോടൊപ്പം കാലിക പ്രസക്തമായ അവകാശങ്ങളുടെയും പോരാട്ടങ്ങളുടെയും കൂടിയാണ് സിനിമ. വ്യത്യസ്തമായ 5 മികച്ച സിനിമകളാണ് ഒരേ രേഖയിലൂടെ സഞ്ചരിക്കുന്നത്. 5 സംവിധായകരിലൂടെ സിനിമ മുന്നോട്ട് വെക്കുന്ന രാഷ്ട്രീയം വരും നാളുകളിൽ കേരളത്തെ ഒന്ന് ഇരുത്തി ചിന്തിപ്പിക്കുമെന്നത് ഉറപ്പാണ്.
സാമൂഹിക രാഷ്ട്രീയ പ്രതിസന്ധികളെ പ്രമേയമാക്കുന്ന സിനിമകൾ വിവിധ കോണിലുള്ള മനുഷ്യരുടെ പ്രശ്നങ്ങൾ കൂടിയാണ് ഏറ്റെടുക്കുന്നത്. ഇതൊരു മാറ്റത്തിനുള്ള കാഹളമാകട്ടെ. വേറിട്ട പശ്ചാത്തലത്തിലുള്ള 5 സിനിമകളുടെ ആകെത്തുകയായ സ്വാതന്ത്ര്യം തന്നെയാണ് സിനിമയിലുടനീളം നമുക്ക് കാണാനാവുക. എന്തിൽ നിന്നൊക്കെയുള്ള സ്വതന്ത്രമെന്നത് ഫ്രീഡം ഫൈറ്റ് കണ്ട് തന്നെ മനസ്സിലാക്കേണ്ടതുണ്ട്.
വേറിട്ട ആഖ്യാന ശൈലിയും റിയലിസ്റ്റിക് അനുഭവങ്ങളുമാണ് സിനിമ നൽകുന്നത്. ഫ്രീഡം ഫൈറ്റ് ചിലരെയെങ്കിലും സംഘടിതരാക്കാൻ പ്രോചോദനമായാൽ അതായിരിക്കും ജിയോ ബേബി, അഖിൽ അനിൽകുമാർ, കുഞ്ഞില മസ്സില്ലാമണി, ഫ്രാൻസിസ് ലൂയിസ്, ജിതിൻ ഐസക് തോമസ് ടീം സമൂഹത്തിന് നൽകുന്ന സംഭാവന. ഒറ്റവാക്കിൽ പറഞ്ഞാൽ സ്വാതന്ത്ര്യമെന്ന സ്വപനത്തിലേക്കുള്ള നടത്തമാണ് ഫ്രീഡം ഫൈറ്റ്.
