തോക്കുകളുടെ ഉടമകളുടെ സംഘടന- എൻആർഎ അത്ര ശക്തമാണ്; അവർ ആണ് യഥാർത്ഥ അമേരിക്ക

| അനീഷ് മാത്യു

The Second Amendment of the United States Constitution reads: “A well regulated Militia, being necessary to the security of a free State, the right of the people to keep and bear Arms, shall not be infringed.”

” ആയുധങ്ങൾ സൂക്ഷിക്കുന്നതിനും കൊണ്ടുനടക്കുന്നതിനും ഉള്ള ജനങ്ങളുടെ അവകാശം, അതോടൊപ്പം റെഗുലേറ്റഡ് ആയ മിലിഷ്യകൾ എന്നിവ ഒരു സ്വതന്ത്ര രാജ്യത്തിനു ആവശ്യമായതിനാൽ , ഈ ഭരണഘടന ഉറപ്പ് നൽകുന്നു”.

യുണൈറ്റഡ് സ്റ്റേറ്റ്സ് ഭരണഘടനയുടെ രണ്ടാമത്തെ ഭേദഗതി ആണ്. – സെക്കന്റ് അമെൻഡ്മെന്റ്. ഈ ഭരണഘടനാ ഭേദഗതി മൂലം അമേരിക്കയിലെ സിവിലിയൻസ് 39 കോടി തോക്കുകൾ – നൂറു പേർക്ക് നൂറ്റിയിരുപത് എന്ന കണക്കിൽ – കൊണ്ട് നടക്കുന്നു.

ഈ തോക്കുകൾ ഉപയോഗിച്ച് ഓരോ വർഷവും അമേരിക്കയിലെ മനുഷ്യർ സ്കൂൾ കുട്ടികളെ അടക്കം 16000 പേരെ വെടി വച്ച് കൊല്ലുന്നു. അമേരിക്കൻ പോലീസ് ഈ തോക്കുമായി നടക്കുന്നവരായ സാധാരണക്കാർ ഇങ്ങോട്ടു വെടി വയ്ക്കുമോ എന്ന് പേടിച്ചെന്ന ന്യായീകരണം വച്ച് കറുത്തവരെയും പാവങ്ങളെയും ലാറ്റിനോകളെയും വെടി വെടി വച്ച് കൊല്ലുന്നു. ആയിരം പേരെ വീതം എല്ലാ വർഷവും അമേരിക്കൻ പോലീസ് വെടി വച്ച് കൊല്ലുന്നുണ്ട് – അതിൽ കറുത്തവരുടെ എണ്ണം അവരുടെ ജനസംഖ്യ ശതമാനത്തിന്റെ ഇരട്ടിയിൽ അധികം ആണ്.

മൂവായിരം പേര് കൊല്ലപ്പെട്ട 9 / 11 ആക്രമണത്തെത്തുടർന്നു അതിന്റെ പ്രതികൾക്കെതിരെ അമേരിക്ക പ്രഖ്യാപിച്ച യുദ്ധം ലോകമാസകലം ആയിരുന്നു. തോക്കുകൾ ആവശ്യാനുസരണം കൊണ്ടുനടക്കാനുള്ള, തോക്കുള്ള ആളുകളുടെ മിലീഷ്യ ഉണ്ടാക്കാനുള്ള ഭരണഘടന അവകാശം മൂലം വര്ഷം തോറും അമേരിക്കയിൽ കൊല്ലപ്പെടുന്നവരുടെ എണ്ണം രണ്ടാം ലോകമഹായുദ്ധത്തിനുശേഷം ആ രാജ്യം നേരിട്ട ഏറ്റവും വലിയ ഭീകരാക്രമണത്തിന്റെ അഞ്ചിരിയറ്റിയിലും ഭീകരമാണ്.

അമേരിക്ക കഴിഞ്ഞാൽ ലോകത്തിൽ ഏറ്റവും അധികം പ്രതിശീർഷ തോക്കുള്ള രാജ്യം യമൻ ആണ് – അവിടെപോലും നൂറ് പേർക്ക് നാല്പത് തോക്കുകൾ വീതം ആണുള്ളത് . 230 വര്ഷം മുമ്പ് അന്നത്തെ സാഹചര്യത്തിൽ എഴുതപ്പെട്ട ഈ ഭരണഘടന മൂലം ഉണ്ടാകുന്ന പ്രശ്നത്തിന്റെ രൂക്ഷത ഇത്രയായിട്ടും ഇത്ര ജനാധിപത്യവും മനുഷ്യാവകാശങ്ങളും നന്മയും വാരി വിതറുന്ന അമേരിക്കൻ ജനാധിപത്യത്തിനെന്താണ് അവരുടെ കുട്ടികളെ തന്നെ കൊല്ലുന്ന തോക്കുകളുടെ എണ്ണം ഘട്ടം ഘട്ടമായി ഒരു നൂറു കൊല്ലം കൊണ്ടെങ്കിലും കുറക്കാനുള്ള പ്ലാൻ ഉണ്ടാക്കാൻ പോലും പറ്റാത്തത് ?

പറ്റില്ല – രണ്ടു കാരണം ഉണ്ട് , ഈ തോക്കുകളുടെ ഉടമകളുടെ സംഘടന- എൻ ആർ എ അത്ര ശക്തമാണ്. അവർ ആണ് യഥാർത്ഥ അമേരിക്ക. രണ്ടു- അമേരിക്കൻ മൂല്യങ്ങൾ ഇത്ര വികൃതവും ആണ്. അതെ മൂല്യങ്ങളുടെ കണ്ണിൽ കൂടി നോക്കുന്നത് കൊണ്ടാണ് അവർക്കു യുക്രൈൻ പ്രശ്നം ആറു ദിവസം മുമ്പ് മാത്രം ആരംഭിച്ചതാണ് എന്ന് തോന്നുന്നത്.