അസമിലെ ദേശീയോദ്യാനത്തിൽനിന്നും മുൻ പ്രധാനമന്ത്രി രാജീവ് ഗാന്ധിയുടെ പേര് ഒഴിവാക്കാൻ തീരുമാനം. രാജീവ് ഗാന്ധി ദേശീയോദ്യാനത്തെ ഒറാങ് ദേശീയോദ്യാനമെന്നാക്കാൻ അസം സർക്കാർ തീരുമാനിച്ചു.ഒറാങ് ദേശീയോധ്യാനമെന്നും രാജീവ് ഗാന്ധി ദേശീയോധ്യാനമെന്നും ആണ് ഇത് വരെ അറിയപ്പെട്ടിരുന്നത് .
ആദിവാസി, തേയില തൊഴിലാളി, ഗോത്ര സമൂഹത്തിന്റെ ആവശ്യങ്ങൾ അംഗീകരിച്ച് രാജീവ് ഗാന്ധി ദേശീയോധ്യനത്തെ ഒറാങ് ദേശീയോധ്യാനമെന്ന് പുനർനാമകരണം ചെയ്യാൻ സർക്കാർ തീരുമാനിച്ചു. അസമിലെ ഡാരംഗ്, സോണിത്പൂർ ജില്ലകളിൽ ബ്രഹ്മപുത്ര നദിയുടെ വടക്കേ തീരത്ത് സ്ഥിതി ചെയ്യുന്ന രാജീവ് ഗാന്ധി ഒറാങ് ദേശീയോദ്യാനം 78.80 ചതുരശ്ര കിലോമീറ്ററാണ്. 1999 ഏപ്രിൽ 13 ന് ഇത് ഒരു ദേശീയോദ്യാനമായി പ്രഖ്യാപിക്കപ്പെട്ടു.
ചതുപ്പുകൾ, അരുവികൾ, പുൽമേടുകൾ എന്നിവയുടെ സമാനമായ ഭൂപ്രകൃതി കാരണം ഒറാങ്ങ് മിനി കാസിരംഗ എന്നും അറിയപ്പെടുന്നു. കാസിരംഗയെപ്പോലെ, ഒറ്റക്കൊമ്പുള്ള കാണ്ടാമൃഗവും ഇവിടെ വസിക്കുന്നു. കഴിഞ്ഞ സെൻസസ് അനുസരിച്ച്, പാർക്കിൽ 24 റോയൽ ബംഗാൾ കടുവകളും 100 കാണ്ടാമൃഗങ്ങളും വസിക്കുന്നു.ടൈഗർ റിസർവിനും നാഷണൽ പാർക്കിനും സമാനമായ പേരുകൾ ഉണ്ടായിരിക്കുന്നത് നല്ലതാണ്. ടൈഗർ റിസർവ് എപ്പോഴും ഓറംഗ് ആയിരുന്നു.
ഇപ്പോൾ നമുക്ക് സൈൻബോർഡും ലെറ്റർ ഹെഡുകളും രാജീവ് ഗാന്ധിയുടെ പേര് വഹിക്കുന്ന മറ്റ് ചിഹ്നങ്ങളും മാറ്റേണ്ടതുണ്ട്. എന്നിരുന്നാലും, പേരുമാറ്റത്തിനു പുറമേ, പാർക്ക് മികച്ച അടിസ്ഥാന സൗകര്യങ്ങളും എക്സ്പോഷറും അർഹിക്കുന്നു ”മംഗൽദോയി ഡിവിഷണൽ ഫോറസ്റ്റ് ഓഫീസർ പ്രദീപ്ത് ബറുവ പറയുന്നു.’നേരത്തെ രാജ്യത്തെ പരമോന്നത കായിക ബഹുമതിയായ ഖേൽ രത്നയിൽ നിന്നും രാജീവ് ഗാന്ധിയുടെ പേര് ഒഴിവാക്കിയിരുന്നു.
