ഗോവയിൽ നടക്കുന്ന 56-ാമത് അന്താരാഷ്ട്ര ചലച്ചിത്രമേളയിൽ (IFFI) അഞ്ച് പതിറ്റാണ്ടായി ഇന്ത്യൻ സിനിമയ്ക്ക് നൽകിയ സംഭാവനകൾക്ക് മുതിർന്ന നടന്മാരായ രജനീകാന്തിനെയും നന്ദമുരി ബാലകൃഷ്ണയെയും ആദരിക്കും. നവംബർ 20 മുതൽ 28 വരെ നടക്കുന്ന പരിപാടിയിൽ രണ്ട് താരങ്ങളെയും ആദരിക്കുമെന്ന് കേന്ദ്ര സർക്കാർ സ്ഥിരീകരിച്ചു.
ഗോവ മുഖ്യമന്ത്രി പ്രമോദ് സാവന്തിനൊപ്പം നടത്തിയ പത്രസമ്മേളനത്തിൽ കേന്ദ്ര വാർത്താ വിതരണ പ്രക്ഷേപണ സഹമന്ത്രി എൽ. മുരുകൻ ആണ് ഇക്കാര്യം അറിയിച്ചത്. “അവരുടെ സിനിമാ യാത്രയിൽ 50 വർഷം പൂർത്തിയാക്കുന്നത് ഇന്ത്യൻ സിനിമയുടെ ചരിത്രത്തിലെ ഒരു നാഴികക്കല്ലാണ്,” മുരുകൻ പറഞ്ഞു.
“അസാധാരണമായ പ്രകടനങ്ങളും ജനപ്രീതിയും കൊണ്ട് പതിറ്റാണ്ടുകളായി അവർ പ്രേക്ഷകരെ രസിപ്പിച്ചിട്ടുണ്ട്. അവരുടെ അപാരമായ സംഭാവനയെ അംഗീകരിക്കുന്നതിനായി, IFFI യുടെ സമാപന ചടങ്ങിൽ അവരെ ആദരിക്കും.”
