പരിതാപകരമായ അവസ്ഥയിലെ കോൺഗ്രസ് അധ്യക്ഷ തെരഞ്ഞെടുപ്പ്

| സാദിഖ് മുഹമ്മദ് കാസിം

അങ്ങനെ വർഷങ്ങൾക്ക് ശേഷം ഇന്ത്യൻ നാഷണൽ കോൺഗ്രസിന്റെ പ്രസിഡണ്ട് സ്ഥാനത്തേക്ക് മത്സരം നടക്കുകയാണ്. തിരുവനന്തപുരം എം പിയും യു എന്നിൽ അണ്ടർ സെക്രട്ടറിയായി പ്രവർത്തിച്ച മലയാളിയായ പാലക്കാട്ടിൽ കുടുംബ വേരുകൾ ഉള്ള ശശി തരൂരും കർണാടകത്തിൽ നിന്നുള്ള മുതിർന്ന നേതാവും പ്രതിപക്ഷ നേതാവുമായ മല്ലികാർജുൻ ഖാർഗെ ആണ് എതിരാളി .

കോൺഗ്രസിനെ സംബന്ധിച്ച് വരുന്ന ലോകസഭാ ഇലെക്ഷനിൽ ഭരണം പിടിക്കണമെന്ന രീതിയിൽ മുന്നോട്ട് പോകുന്ന ഈ വേളയിൽ തീർച്ചയായും കോൺഗ്രസിനെ നയിക്കാൻ കിട്ടാവുന്നതിൽ ഏറ്റവും മികച്ച സ്ഥാനാർഥി ശശി തരൂർ തന്നെ കേരളത്തിലെ വലിയൊരു വിഭാഗം പാർട്ടി ബേദമെന്യേ അതാഗ്രഹിക്കുന്നു എന്നാണ് മനസിലാക്കാൻ കഴിയുന്നത് . എന്നാൽ ശശി തരൂർ ജയിക്കുമോ ???

സാധ്യത വളരെ കുറവാണ്. കോൺഗ്രസിൽ അന്നും ഇന്നും ഗ്രൂപ് കളികളും സ്ഥാനമാനങ്ങൾക്ക് വേണ്ടിയുള്ള അടിയും സാധാരണയാണ് ഒരുകാലത്ത് ഇന്ത്യ അടക്കിഭരിച്ച ഭൂരിപക്ഷം സംസ്ഥാനങ്ങളിലും ഭരണം ഉണ്ടായിരുന്നു കോൺഗ്രസിന്റെ ഇന്നത്തെ അവസ്ഥ എന്താണ് . കമ്മ്യൂണിസ്റ്റ് പാർട്ടിയുടെ ബംഗാളിലെയും ത്രിപുരയിലെയും ഭരണം പോയേ എന്ന് പറഞ്ഞു നടക്കുന്ന കോൺഗ്രെസ്സുകാർ മറന്നു പോകുന്ന ഒരു കാര്യമുണ്ട്. നിലവിൽ കൊണ്ഗ്രെസ്സ് ആകെ ഇന്ത്യയിൽ രണ്ടോ മൂന്നോ സ്‌റ്റേറ്റുകളിലെ ഭരണം ഉള്ളു എന്ന സത്യം.

മിക്ക സ്റ്റേറ്റുകളിലെയും പിസിസി അധ്യക്ഷന്മാർ മുൻമുഖ്യന്ത്രിമാർ മുതിർന്ന നേതാക്കൾ എംപിമാർ എം എൽ എ മാർ ഒക്കെ ഇന്ന് ബിജെപി പാളയത്തിലാണ് . ഇത്രയും പരിതാപകരമായ അവസ്ഥയിൽ കോൺഗ്രസ്സ് നിൽക്കുമ്പോളും പ്രസിഡണ്ട് ആയാൽ ഒരുപാട് ഗുണപരമായ മാറ്റങ്ങൾ വരുത്താൻ കഴിവുള്ള ശശി തരൂരിനെ പിന്നിൽ നിന്ന് കുത്തുകയാണ് കേരളത്തിലെ കോൺഗ്രസ് നേതാക്കൾ. കാരണം തങ്ങളുടെ സ്ഥാനങ്ങൾക്ക് വല്ല കോട്ടവും തട്ടുമെന്ന ഭയം തന്നെ. ഇതേ രീതിയിൽ പോയാൽ കോൺഗ്രസ് പാർട്ടി തന്നെ ഉണ്ടാവില്ല അപ്പോഴാണ് പാർട്ടി ഇല്ലെങ്കിൽ പിന്നെ എന്ത് സ്ഥാനമാനങ്ങൾ എന്ന ഒരു സാധാരണക്കാരന്റെ ചിന്ത പോലും കേരളത്തിലെ മുതിർന്ന കൊണ്ഗ്രെസ്സ് നേതാക്കൾക്കില്ല എന്നതാണ് അത്ഭുതം .

എന്റെ സ്കൂൾ പഠനകാലത്തു കമ്മ്യൂണിസ്റ്റ് പാർട്ടിയുടെ യുവജന സംഘടനകളിൽ നേതൃസ്ഥാനം വഹിച്ച ടി വി രാജേഷ് ,എം ബി രാജേഷ് ,പി കെ ബിജു ,ശ്രീരാമകൃഷ്ണൻ ,ഷംസീർ ,കെ കെ രാഗേഷ് ,സ്വരാജ് etc തുടങ്ങി അന്ന് എസ് എഫ് ഐയിലും ഡി വൈ എഫ് ഐയിലും പ്രവർത്തിച്ച മിക്ക നേതാക്കളും നിലവിൽ പാർട്ടിയുടെ മുൻനിരയിൽ പ്രവർത്തിക്കുബോൾ അന്നത്തെ കെ എസ് യു യൂത്ത് കോൺഗ്രസ് നേതാക്കൾ ഒക്കെ ഇന്നെവിടെ ആകെ ഒരു പി സി വിഷ്ണുനാഥിനെ എല്ലാവര്ക്കും അറിയുമായിരിക്കും. ബാക്കി ഉള്ള പല കഴിവുറ്റ നേതാക്കളും ഗ്രൂപ് കളിയിലും ചവിട്ടിത്താഴ്ത്തലുകളിലും വീണു പോയി.

എന്തിനു വർഷങ്ങളോളം പാർട്ടിയിൽ പ്രവർത്തിച്ച ചാനൽ ചർച്ചകളിൽ നല്ല പ്രകടനം കാഴ്ചവെക്കുന്ന രാജ്‌മോഹൻ ഉണ്ണിത്താൻ വരെ മുപ്പതോ മറ്റോ കൊല്ലം കഴിഞ്ഞട്ടാണ് ഒരു ജനപ്രതിനിധി ആകാൻ കഴിഞ്ഞത് അതാണ് കൊണ്ഗ്രെസ്സ്. കഴിവ് ഉണ്ടായത് കൊണ്ട് മാത്രം കോൺഗ്രസ്സിൽ ഉയർന്നു വരാൻ കഴിയില്ല അതിനു ഒരുപാടു സമവാക്യങ്ങൾ ശരിയാകേണ്ടതുണ്ട് .

എന്നിരുന്നാലും ഏതൊരു യുവാവ് ചിന്തിക്കുന്നത് പോലെ ശശി തരൂർ വിജയിക്കട്ടെ എന്ന് ഞാനും ആഗ്രഹിക്കുന്നു പാലക്കാട്ടുകാരനായ എനിക്ക് പാലക്കാട്ടിൽ കുടുംബവേരുകൾ ഉള്ള ശശി തരൂർ കോൺഗ്രസിന്റെ തലപ്പത്തു എത്തുന്നത് സന്തോഷവും അഭിമാനകാരവുമാണ് .

ഇനി ഞങ്ങടെ നാടായ തരൂരിനെ കുറിച് സ്വന്തന്ദ്ര്യ സമര സേനാനിയായ കെ പി കേശവമേനോന്റെ നാട്. സ്വാതന്ദ്ര്യസമരകാലത്ത് ബ്രിട്ടീഷുകാർക്കെതിരെ പടപൊരുതാൻ അന്നത്തെ തരൂരിലെ യുവാക്കൾ വ്യാപകമായി കോൺഗ്രസ്സിൽ ചേരുകയും പോരാടുകയും വാരമൃത്യു വരിച്ചു എന്നതാണ് ചരിത്രം. ഗാന്ധി വധത്തിനു ശേഷം ഇന്ത്യയിൽ തന്നെ രണ്ടാമതായി ഉയർന്ന ഗാന്ധി സ്മൃതി മണ്ഡപം നിൽക്കുന്ന സ്ഥലമാണ് തരൂർ. എന്നാൽ 75 വർഷങ്ങൾക്കിപ്പുറം കോൺഗ്രസ്സിന് ഇവിടെ എത്ര സ്വാധീനം ഉണ്ടെന്ന കാര്യം അന്വേഷിക്കുബോൾ പരിതാപകരമാണ്.

അന്നത്തെ സമരങ്ങളിൽ ആകൃഷ്ടരായി കോൺഗ്രസ്സിൽ ചേർന്ന അന്നത്തെ യുവാക്കളുടെ മക്കളിലും കൊച്ചുമക്കളിലും എത്രപേർ കോൺഗ്രെസ്സുമായി sസഹകരിക്കുന്നുണ്ടെന്നു ഒന്നന്വേഷിച്ചാൽ മനസ്സിലാവും .അവസ്ഥ അതിനു കാരണം ഒരുപക്ഷെ ഞാൻ മുകളിൽ സൂചിപ്പിച്ച കാര്യമാവാം. അല്ലെങ്കിൽ വേറെന്തെങ്കിലുമാവാം. എന്തായാലും ശശി തരൂർ വിജയിച്ചു ഇന്ത്യൻ ജനാധിപത്യ രാജ്യത്തെ ശക്തമാക്കട്ടെ എന്ന് ആശംസിക്കുന്നു.