ഒരു ആൺകുട്ടിയുമായി അനുചിതമായി ഇടപഴകുന്നതിന്റെ വീഡിയോ വൈറലായതിനെത്തുടർന്ന് ദലൈലാമയെ ബാലപീഡനത്തിന് അറസ്റ്റ് ചെയ്ത് പ്രോസിക്യൂട്ട് ചെയ്യണമെന്ന് ദക്ഷിണാഫ്രിക്കൻ പ്രതിപക്ഷ മാർക്സിസ്റ്റ് ലെനിനിസ്റ്റ് പാർട്ടിയായ ഇക്കണോമിക് ഫ്രീഡം ഫൈറ്റേഴ്സ് (ഇഎഫ്എഫ്) ഇന്ത്യൻ അധികൃതരോട് ആവശ്യപ്പെട്ടു.
ക്ലിപ്പിൽ, 87 കാരനായ ടിബറ്റൻ ആത്മീയ നേതാവ് ഒരു പൊതു പരിപാടിയിൽ ഒരു ആൺകുട്ടിയെ ചുണ്ടിൽ ചുംബിക്കുകയും “നാവ് കുടിക്കാൻ” ആവശ്യപ്പെടുകയും ചെയ്തിരുന്നു. ഫെബ്രുവരിയിൽ ധർമശാലയിലെ ദലൈലാമയുടെ ക്ഷേത്രത്തിലാണ് സംഭവം നടന്നത്. വിഷയത്തിൽ രാജ്യാന്തര പ്രതിഷേധം ഉയർന്നതിനെ തുടർന്ന് സംഭവത്തിൽ ഖേദം പ്രകടിപ്പിക്കുന്നതായി ദലൈലാമ ക്ഷമാപണം നടത്തി.
ഒരാളുടെ നാവ് പുറത്തേക്ക് നീട്ടുന്നത് ടിബറ്റിൽ അഭിവാദനത്തിന്റെ ഒരു രൂപമാണ്. എന്നാൽ സംഭവം നടന്ന് ഒരു മാസത്തിന് ശേഷം മാപ്പപേക്ഷ വന്നതിനാൽ “മുടന്തൻ ക്ഷമാപണം” തള്ളിക്കളയണമെന്ന് EFF പറഞ്ഞു.
“കുട്ടികളെ ദ്രോഹിക്കാൻ തുനിയുന്ന എല്ലാവർക്കും അവരുടെ പദവി പരിഗണിക്കാതെ അവർക്കെതിരെ കർശന നടപടിയെടുക്കുമെന്ന്” ഇന്ത്യൻ അധികാരികൾ കർശനമായ മുന്നറിയിപ്പ് അയയ്ക്കേണ്ടതുണ്ടെന്ന് പാർട്ടി അതിന്റെ പ്രസ്താവനയിൽ പറയുന്നു. നിലവിൽ 1959-ൽ ടിബറ്റിലെ ചൈനീസ് ഭരണത്തിനെതിരായ പ്രക്ഷോഭത്തെത്തുടർന്ന് അവിടെ നിന്ന് പലായനം ചെയ്തതിനുശേഷം ദലൈലാമ ഇന്ത്യയിൽ പ്രവാസ ജീവിതം നയിക്കുകയാണ്.
