| അനിരുദ്ധ് മോഹൻ
1983, ആക്ഷൻ ഹീറോ ബിജു എന്നീ വിജയ ചിത്രങ്ങൾക്ക് ശേഷം നിവിൻ പോളി കൂട്ടുകെട്ടിൽ പിറന്ന ചിത്രമാണ് മഹാവീര്യർ. മലയാള സിനിമ പ്രേക്ഷകർക്ക് ഒരു പുത്തൻ സിനിമാനുഭവരുചിയാണ് ഈ ചിത്രം നൽകുന്നത്. മലയാള സിനിമയിലെ യുവ താരമായ നിവിൻ പോളി കേന്ദ്ര കഥാപാത്രമായ അപൂർവാനന്ദ എന്ന നിത്യ ബ്രഹ്മചാരിയായ സന്യാസി ശ്രേഷ്ഠനായ കഥാപാത്രമായിയാണ് അഭിനയിക്കുന്നത്.
നിവിൻ വളരെ മികച്ച രീതിയിൽ തന്നെ സംസ്കൃത ശ്ലോകങ്ങൾ നിറഞ്ഞ സംഭാഷണങ്ങളും നർമ്മരംഗങ്ങളും കൈകാര്യം ചെയ്തു. നിവിന്റെ കരിയറിലെ തന്നെ ഏറ്റവും ചലഞ്ചിങ് ആയ ഒരു മേക്കോവർ ഈ ചിത്രത്തിൽ കാണാം. മേക്കോവർ കൊണ്ടും അഭിനയം കൊണ്ടും സംഭാഷണ രീതി കൊണ്ടും നിവിൻ പോളി പൂർണ്ണമായി ആത്മീയത നിറഞ്ഞ ഒരു സന്യാസിയായി ചിത്രത്തിൽ മാറി.
ആസിഫ് അലി, സിദ്ദീഖ് , ലാൽ എന്നിവരുടെയും വളരെ ശ്രദ്ധേയമേറിയ മികച്ച പ്രകടനം തന്നെയായിരുന്നു. കഥപറച്ചിലിന്റെ കാര്യത്തിൽ ഉയർന്ന മാനദണ്ഡം സ്ഥാപിക്കുന്ന ചിത്രം കൂടിയാണ് മഹാവീര്യർ. രസകരവും ചിന്തോദ്ദീപകവുമായ ഒരു കഥ പറയാൻ ഫാന്റസിയുടെ ഘടകങ്ങൾ ഇത് നെയ്തെടുക്കുന്നു. അത് കൈകാര്യം ചെയ്യുന്ന ഉള്ളടക്കം കണക്കിലെടുക്കുമ്പോൾ, അത് വലിച്ചെറിയുന്നതിന് ടീമിന് അഭിമാനകരമല്ല.
സിനിമയുടെ സെറ്റ് ഡിസൈനും ലൊക്കേഷനും ഈ ഘടകങ്ങൾക്ക് ഗംഭീരം നൽകുന്നു. സാങ്കേതിക വശങ്ങളുടെ മികവ് സിനിമയുടെ ആദ്യം മുതൽ അവസാനം വരെ കാണാം . ഇന്ത്യൻ സിനിമയിൽ തന്നെ അടുത്തകാലത്ത് ഇറങ്ങിയ ഏറ്റവും മികച്ച ടൈം ട്രാവൽ ചിത്രം എന്ന് വിശേഷിപ്പിക്കാൻ സാധിക്കുന്ന സിനിമയാണ് മഹാവീര്യർ
