ഷാരൂഖ് ഖാനും ദീപിക പാദുകോണും പ്രധാന വേഷങ്ങളിൽ എത്തുന്ന ബോളിവുഡ് സിനിമ പത്താന് വരുന്ന ജനുവരി 25നാണ് റിലീസ് ചെയ്യുന്നത്. നാല് വര്ഷം നീണ്ട ഇടവേളയ്ക്കു ശേഷം എത്തുന്ന ഷാരൂഖ് ഖാന് ചിത്രം എന്ന പേരില് വലിയ പ്രീ റിലീസ് ഹൈപ്പ് ഉയര്ത്തിയ ചിത്രമായിരുന്നു പത്താന്. വിവാദങ്ങള് ഒരു വഴിക്ക് പുരോഗമിക്കുമ്പോള് ചിത്രം ഉണ്ടാക്കുന്ന ഹൈപ്പില് ചിത്രത്തിന്റെ പോസ്റ്റ് റിലീസ് ബിസിനസ് നന്നായി നടക്കുന്നു എന്നാണ് റിപ്പോര്ട്ട്.
ഏറ്റവും പുതിയ റിപ്പോർട്ടുകൾ പ്രകാരം പത്താന്റെ ഒടിടി അവകാശങ്ങൾ ഇതിനകം തന്നെ കോടികൾക്ക് വിറ്റുപോയി. ആമസോൺ പ്രൈം വീഡിയോ പത്താന്റെ ഒടിടി അവകാശം സ്വന്തമാക്കിയെന്നാണ് വിവരം. ജനുവരിയില് തീയറ്ററില് എത്തുന്ന പത്താന് മാർച്ച് അവസാനമോ ഏപ്രിൽ ആദ്യമോ ഒടിടി റിലീസ് ചെയ്യുമെന്നാണ് റിപ്പോർട്ടുകൾ പറയുന്നു.
അതേസമയം,പത്താന്റെ ഒടിടി റിലീസിനെക്കുറിച്ച് നിലവിൽ ഔദ്യോഗിക അറിയിപ്പൊന്നും അണിയറക്കാര് നല്കുന്നില്ല. എന്നാല് ബോളിവുഡിലെ ചില വൃത്തങ്ങളെ ഉദ്ധരിച്ച് സൂം റിപ്പോര്ട്ട് ചെയ്യുന്നത് പ്രകാരം, ഡിജിറ്റൽ സ്ട്രീമിംഗ് അവകാശം ശനിയാഴ്ച 100 കോടി രൂപയ്ക്കാണ് ആമസോണ് പ്രൈം വാങ്ങിയത് എന്നാണ് വിവരം.
