Warning: Cannot modify header information - headers already sent in /home1/nalamida/public_html/wp-content/plugins/gtranslate/gtranslate.php on line 90
സൂപ്പർസ്റ്റാറും മാരി സെൽവരാജും ഒന്നിക്കുമ്പോൾ സംഭവിക്കുന്നത് മാസ്സോ ക്ലാസ്സോ? | Nalamidam
11 November 2026
Home Entertainments സൂപ്പർസ്റ്റാറും മാരി സെൽവരാജും ഒന്നിക്കുമ്പോൾ സംഭവിക്കുന്നത് മാസ്സോ ക്ലാസ്സോ?

സൂപ്പർസ്റ്റാറും മാരി സെൽവരാജും ഒന്നിക്കുമ്പോൾ സംഭവിക്കുന്നത് മാസ്സോ ക്ലാസ്സോ?

മുൻ ചിത്രങ്ങളെ പോലെ തന്നെ രജിനിക്കൊപ്പമുള്ള ചിത്രവും സാമൂഹിക പ്രസക്തിയുള്ള ചിത്രമായിരിക്കും എന്നാണ് ആരാധകരുടെ വിലയിരുത്തൽ.

288

തമിഴകത്തെ ജാതി രാഷ്ട്രീയങ്ങൾ തുറന്ന് കാണിച്ച സംവിധായകനാണ് മാരി സെൽവരാജ്. ഇപ്പോൾ തെന്നിന്ത്യയുടെ സൂപ്പർ സ്റ്റാർ രജിനികാന്തിനെ നായകനാക്കി മാരിസെൽവരാജ് ചിത്രമൊരുക്കുന്നു എന്ന വാർത്തകളാണ് പുറത്തുവരുന്നത്. ലോകേഷ് കനകരാജ് സംവിധാനം ചെയ്യുന്ന രജിനിയുടെ 171 -ാം ചിത്രത്തിന് ശേഷം ഒരുങ്ങുന്ന ചിത്രമാണ് മാരിസെൽവരാജ് സംവിധാനം ചെയ്യുന്നത്. നിലവിൽ ടി.ജെ. ജ്ഞാനവേൽ സംവിധാനം ചെയ്യുന്ന വേട്ടയാൻ എന്ന ചിത്രത്തിലാണ് രജിനി അഭിനയിക്കുന്നത്. ‘തലൈവർ 171’ പേരിട്ടിരിക്കുന്ന ലോകേഷ് കനകരാജ് ചിത്രം സൺപിക്‌ചേഴ്‌സ് ആണ് നിർമിക്കുന്നത്.

‘പരിയേറും പെരുമാൾ’, ‘കർണൻ’, ‘മാമന്നൻ’ എന്നീചിത്രങ്ങൾക്ക് ശേഷമാണ് രജിനി ചിത്രവുമായി മാരി സെൽവരാജ് എത്തുന്നത്. മുൻ ചിത്രങ്ങളെ പോലെ തന്നെ രജിനിക്കൊപ്പമുള്ള ചിത്രവും സാമൂഹിക പ്രസക്തിയുള്ള ചിത്രമായിരിക്കും എന്നാണ് ആരാധകരുടെ വിലയിരുത്തൽ. രജിനിയുടെ ഹിറ്റ് ചിത്രം ജയിലർ ഒരുക്കിയ നെൽസൺ ദിലീപ് കുമാറും രജിനിക്കായി കഥയൊരുക്കുന്നുണ്ടെന്നാണ് റിപ്പോർട്ട്. മാരി സെൽവരാജ് ചിത്രത്തിന് ശേഷമായിരിക്കും നെൽസൺ ചിത്രം ഒരുങ്ങുക.

ടി.ജെ. ജ്ഞാനവേൽ ഒരുക്കുന്ന ‘വേട്ടയാൻ’ എന്ന ചിത്രത്തിൽ പോലീസ് ഓഫീസറായിട്ടാണ് രജിനി എത്തുക. ചിത്രത്തിന്റെ ടൈറ്റിൽ ടീസർ നേരത്തെ പുറത്തുവിട്ടിരുന്നു. യഥാർത്ഥ സംഭവത്തിൽ നിന്ന് പ്രചോദനം ഉൾക്കൊണ്ടാണ് ചിത്രത്തിന്റെ കഥയൊരുങ്ങിയതെന്നാണ് പുറത്തുവരുന്ന റിപ്പോർട്ട്. മഞ്ജു വാര്യർ, റാണ ദഗ്ഗുബതി, ഫഹദ് ഫാസിൽ, റിതിക സിംഗ്, ദുഷാര വിജയൻ, ജിഎം സുന്ദർ എന്നിവരാണ് ചിത്രത്തിലെ പ്രധാനകഥാപാത്രങ്ങളെ അവതരിപ്പിക്കുന്നത്.