കേന്ദ്ര കാര്ഷിക നിയമങ്ങള്ക്കെതിരെയുള്ള സമരം കർഷകർ കൂടുതൽ ശക്തമാക്കുന്നു.അടുത്തുതന്നെ സമരം ഒരു വര്ഷം പൂര്ത്തിയാകാനിരിക്കേ സമരം കടുപ്പിക്കുമെന്ന മുന്നറിയിപ്പുമായി ഭാരതീയ കിസാന് യൂനിയന് നേതാവ് രാകേഷ് ടികായത്ത് രംഗത്തെത്തി.കാര്ഷികരംഗത്തെ കരിനിയമങ്ങള് പിന്വലിക്കാന് നവംബര് 26 വരെ കേന്ദ്രത്തിന് സമയമുണ്ട്.
നവംബര് 27ന് കൂടുതല് കര്ഷകര് ട്രാക്ടറുകളുമായും മറ്റും ഡല്ഹി അതിര്ത്തികളിലെത്തും. സമരം കടുപ്പിക്കുമെന്നും ടികായത്ത് ട്വീറ്റു ചെയ്തു.രണ്ടു ദിവസത്തിനിടെ രാകേഷ് ടികായത്ത് കേന്ദ്ര സര്ക്കാറിന് നല്കുന്ന രണ്ടാമത്തെ മുന്നറിയിപ്പാണിത്.
രാജ്യ തലസ്ഥാനമായ ഡല്ഹി അതിര്ത്തിയിലെ സമരം ഒഴിപ്പിക്കാന് നീക്കം നടക്കുന്നുവെന്ന വാര്ത്തകള് പുറത്തുവന്നതോടെ സര്ക്കാര് ഓഫിസുകള് ചന്തകളാക്കി മാറ്റുമെന്ന് ടികായത്ത് അറിയിച്ചിരുന്നു. മാത്രമല്ല, തങ്ങളുടെ ദീപാവലി ആഘോഷം പ്രധാനമന്ത്രിയുടെ വസതിക്ക് മുമ്പിലായിരിക്കുമെന്ന് സംയുക്ത കിസാന് യൂനിയന് നേതാക്കളും മുന്നറിയിപ്പ് നല്കുകയുണ്ടായി.
