മമ്മൂട്ടി ആരാധകർ പ്രതീക്ഷയോടെ കാത്തിരിക്കുന്ന പുത്തൻ മമ്മൂട്ടി സിനിമയാണ് വൈശാഖ് സംവിധാനം ചെയ്യുന്ന ടർബോ. ഏറെ കാലത്തിനു ശേഷം ആക്ഷൻ കോമഡി സിനിമയിലേക്ക് മമ്മൂട്ടിയുടെ വരവ് ആവേശത്തോടെ ആണ് ആരാധകർ ഏറ്റെടുത്തിരിക്കുന്നത്. മിഥുൻ മാനുവൽ തോമസ് ആണ് സിനിമയുടെ തിരക്കഥ.
നിരന്തരമായി പുറത്ത് വിട്ട ഫോട്ടോസ്, പോസ്റ്റർ എന്നിവ ചെറുതായൊന്നുമല്ല ആരാധകർക്ക് പ്രതീക്ഷ നൽകിയത്. ഇന്നിതാ വലിയൊരു അപ്ഡേറ്റുമായി സിനിമയുടെ അണിയറ പ്രവർത്തകർ വന്നിരിക്കുന്നു. ആരാധകർ ഏറെ കാത്തിരുന്ന സിനിമയുടെ റിലീസ് തിയതി ആണ് പുറത്ത് വീട്ടിരിക്കുന്നത്. സിനിമ ജൂൺ 13 തിയേറ്ററുകളിൽ എത്തും എന്നാണ് നിലവിലെ പ്രതികരണം വ്യക്തമാക്കുന്നത്. തകർത്തോടിക്കൊണ്ടിരിക്കുന്ന മലയാള സിനിമയ്ക്ക് മറ്റൊരു പൊൻതൂവൽ ആയിരിക്കും ടർബോ സമ്മാനിക്കാൻ പോകുന്നത് എന്ന പ്രതീക്ഷയിലാണ് സിനിമ ലോകം.
മമ്മൂട്ടി കമ്പനി ഒരുക്കുന്ന ആദ്യ ആക്ഷൻ സിനിമയും, കമ്പനിയുടെ അഞ്ചാമത്തെ സിനിമയുമാണ് ടർബോ. ആക്ഷൻ രംഗങ്ങൾക്ക് കൂടുതൽ പ്രാധാന്യം കൊടുത്തിരിക്കുന്ന സിനിമയിൽ മമ്മൂട്ടിക്ക് ഒപ്പം കന്നഡ താരം രാജ് ബി ഷെട്ടിയും തെലുങ്ക് നടൻ സുനിലും ഉൾപ്പെടെ വലിയ താര നിര ആണ് എത്തുന്നത്.
വിയറ്റ്നാം ഫൈറ്റേർസാണ് ചിത്രത്തിലെ ആക്ഷൻ രംഗങ്ങൾ കൈകാര്യം ചെയ്യുന്നത്. ചിത്രത്തിന് പശ്ചാത്തല സംഗീതം ഒരുക്കിയിരിക്കുന്നത് ക്രിസ്റ്റോ സേവ്യറും ടീമും ചേർന്നാണ്. ഛായാഗ്രഹണം: വിഷ്ണു ശർമ്മ, ചിത്രസംയോജനം ഷമീർ മുഹമ്മദ്, എക്സിക്യൂട്ടീവ് പ്രൊഡ്യുസർ: ജോർജ് സെബാസ്റ്റ്യൻ, പ്രൊഡക്ഷൻ ഡിസൈനർ: ഷാജി നടുവിൽ, ആക്ഷൻ ഡയറക്ടർ: ഫൊണിക്സ് പ്രഭു, ലൈൻ പ്രൊഡ്യൂസർ: സുനിൽ സിംഗ്, കോ-ഡയറക്ടർ: ഷാജി പടൂർ, കോസ്റ്റ്യൂം ഡിസൈനർ: മെൽവി ജെ & ആഭിജിത്ത്, മേക്കപ്പ്: റഷീദ് അഹമ്മദ് & ജോർജ് സെബാസ്റ്റ്യൻ, പ്രൊഡക്ഷൻ കൺട്രോളർ: ആരോമ മോഹൻ, ചീഫ് അസോസിയേറ്റ് ഡയറക്ടർ: രാജേഷ് ആർ കൃഷ്ണൻ, പബ്ലിസിറ്റി ഡിസൈൻസ്: യെല്ലോ ടൂത്ത്, ഡിജിറ്റൽ മാർക്കറ്റിംഗ്: വിഷ്ണു സുഗതൻ, പിആർഒ: ശബരി എന്നിവരാണ് മറ്റ് അണിയറ പ്രവര്‍ത്തകര്‍.
ഹോളിവുഡ് സിനിമകളിലെ ആക്ഷൻ രംഗങ്ങൾക്കും ചെയ്‌സിംഗ് രംഗങ്ങൾക്കും ഉപയോഗിക്കുന്ന നൂതന സംവിധാനങ്ങൾ ആണ് സിനിമയിൽ ഉപയോഗിക്കുന്നത്. മികച്ച ആക്ഷൻ സിനിമകൾ വിരളമായി മാറിയ മലയാള സിനിമയിലേക്ക് മറ്റൊരു ഗംഭീര ആക്ഷൻ സിനിമ എന്ന പ്രതീക്ഷ ആണ് അണിയറ പ്രവർത്തകർ നൽകുന്നത്.