ജനപ്രീതിയില് മുന്നിലുള്ള മലയാളി നായികാ താരങ്ങളുടെ പട്ടികയിൽ വൻ മാറ്റങ്ങളാണ് വന്നിരിക്കുന്നത് എന്ന് ഓര്മാക്സ് മീഡിയ റിപ്പോർട്ട് ചെയ്യുന്നു. മെയ് മാസത്തില് ഒന്നാമത് എത്തിയിരിക്കുന്ന താരം യുവ നടി മമിത ആണ്. പ്രേമലുവിന്റെ വൻ വിജയമാണ് ജനപ്രീതിയില് താരത്തെ മുന്നിലെത്താൻ സഹായിച്ചത്. ഏപ്രിലില് രണ്ടാമതായിരുന്നു മമിതയുടെ സ്ഥാനമെന്നാണ് താരങ്ങളുടെ പട്ടിക ഓര്മാക്സ് പുറത്തുവിട്ടതില് വ്യക്തമാക്കിയിരുന്നത്.
മമിത ചെറു വേഷങ്ങളിലൂടെയായിരുന്നു മലയാള സിനിമയില് സജീവമായത്. നായികയായി അവസരം ലഭിച്ചപ്പോള് അത് താരത്തിനു പ്രയോജനപ്പെടുത്താനുമായി. ഇന്നിപ്പോള് ഓര്മാക്സിന്റെ പട്ടികയില് മമിത ആദ്യമായി ഒന്നാം സ്ഥാനത്ത് എത്തിയിരിക്കുന്നത് താരത്തിന്റെ സിനിമ ജീവിതത്തിൽ വലിയ മാറ്റങ്ങൾക്ക് തുടക്കം ആയേക്കും എന്നാണ് റിപ്പോർട്ടുകൾ.
സര്പ്രൈസായ പ്രേമലുവിന്റെ വിജയത്തോടെ മലയാളി താരങ്ങളില് മുൻനിരയിലായി മമിത എന്നത് തിളക്കമേറുന്നു. നിലവില് മമിതയെ നായികയാക്കി നിരവധി സിനിമകളാണ് ഒരുങ്ങുന്നത് എന്നും റിപ്പോര്ട്ടുകള് സൂചിപ്പിക്കുന്നു. ഏപ്രിലില് ഒന്നാമതുണ്ടായിരുന്ന മഞ്ജു വാര്യരെ പിൻ തള്ളി ആണ് മമിത ഒന്നാം സ്ഥാനത്തേക്ക് എത്തിയിരിക്കുന്നത്. ഏറെ കാലത്തിനു ശേഷം സിനിമയിലേക്ക് തിരികെ എത്തിയ ശോഭന പട്ടികയിൽ മൂന്നാം സ്ഥാനത്ത് എത്തിയതും ശ്രദ്ധേയമാണ്.
നാലാം സ്ഥാനത്ത് അനശ്വര രാജനാണ് താരങ്ങളുടെ പട്ടികയില് ഇടംനേടിയിരിക്കുന്നത് . അടുത്തിടെ അനശ്വര രാജന്റേതായി നിരവധി സിനിമകളാണ് വൻ ഹിറ്റായത്. യുവ നായികമാരില് മുൻനിരയില് ഇരിപ്പിടമുറപ്പിക്കാൻ താരത്തിന് സാധിച്ചുവെന്നത് ചെറിയ ഒരു നേട്ടമല്ല. തൊട്ടുപിന്നില് ഐശ്വര്യ ലക്ഷ്മിയാണ് സ്ഥാനം പിടിച്ചിട്ടുള്ളത്.
മലയാള സിനിമയിലെ മുൻ കാല നായികമാരെ കടത്തി വെട്ടി പുതുമുഖ നായികമാർ ജനപ്രീതിയിൽ മുന്നിലേക്ക് എത്തുന്നത് വലിയ പ്രചോദനം ആണ് സിനിമയിലേക്ക് ആഗ്രഹിക്കുന്ന ആളുകൾക്ക് നൽകുന്നത്. മലയാളി പ്രക്ഷകരുടെ മാറി വരുന്ന ആസ്വാധന, കാഴ്ച്ചപാടുകളുടെ മാറ്റം കൂടിയാണ് ഇതെന്ന് അനുമാനിക്കാം.
