തിരുവനന്തപുരം: ഹേമ കമ്മിറ്റി റിപ്പോർട്ട് നിർദ്ദേശങ്ങൾ നടപ്പാക്കുമെന്ന് മന്ത്രി സജി ചെറിയാന്. റിപ്പോര്ട്ടിന്റെ പൂര്ണരൂപം വായിച്ചിട്ടില്ല. ശുപാര്ശ മാത്രമാണ് കണ്ടതെന്നും റിപ്പോർട്ട് കൈയ്യിൽ കിട്ടിയാൽ വായിക്കുമെന്നും അദ്ദേഹം പറഞ്ഞു. ഹേമ കമ്മിറ്റി റിപ്പോർട്ട് പ്രസിദ്ധീകരിക്കാൻ വൈകിയത് സർക്കാരിൻ്റെ തലയിൽ കെട്ടിവെയ്ക്കണ്ടെന്നും വിവരാവകാശ കമ്മീഷനാണ് റിപ്പോർട്ട് പ്രസിദ്ധീകരിക്കണ്ട എന്ന് പറഞ്ഞത്. താന് മന്ത്രിയായ മൂന്നര വർഷത്തിനിടെ ഒരു നടിയുടെയും പരാതി കിട്ടിയിട്ടില്ല. പരാതിയുള്ളവർക്ക് നൽകാവുന്നതാണെന്നും മന്ത്രി പ്രതികരിച്ചു.
ഡബ്ല്യുസിസി (വിമൻ ഇൻ സിനിമാ കളക്ടീവ്) പോലെയുള്ള സംഘടനകൾ ചില കാര്യങ്ങള് ശ്രദ്ധയില്പ്പെടുത്തിയിട്ടുണ്ട്. അതിൻ്റെ അടിസ്ഥാനത്തിലാണ് രണ്ട് മാസത്തിനകം സിനിമ കോണ്ക്ലേവ് സംഘടിപ്പിക്കാന് തീരുമാനിച്ചിരിക്കുന്നത്. കോണ്ക്ലേവില് പ്രശ്നങ്ങളും പരിഹാരങ്ങളും വിശദമായി ചര്ച്ച ചെയ്യും. സിനിമയിലെ എല്ലാ മേഖലയിൽ നിന്നുള്ള പ്രതിനിധികളെയും കോണ്ക്ലേവില് കൊണ്ടുവരുമെന്നും മന്ത്രി വ്യക്തമാക്കി.
സ്ത്രീ സുരക്ഷയ്ക്ക് സർക്കാർ വലിയ പ്രാധാന്യമാണ് നൽകുന്നത്. സുരക്ഷയുടെ കാര്യത്തില് ഒരു വിട്ടുവീഴ്ചയും ഉണ്ടാവില്ല. കൃത്യമായ നിയമ നടപടി ഈ കാര്യത്തില് സ്വീകരിക്കും. സിനിമ മേഖലയിൽ മികച്ച ഇടപെടലാണ് സർക്കാർ നടത്തിയിട്ടുള്ളത്. എല്ലാ മേഖലയിലും പ്രബല വിഭാഗമുണ്ട്. അവർക്കെതിരെ നിർഭയമായി പരാതി നൽകാം. ഉടൻ നടപടി ഉണ്ടാകുമെന്നും മന്ത്രി കൂട്ടിച്ചേർത്തു. രണ്ട് മാസത്തിനുള്ളിൽ സിനിമ കോൺക്ലേവ് നടത്തുമെന്നും ഹേമ കമ്മിറ്റി റിപ്പോർട്ടിലെ നിർദ്ദേശങ്ങൾ നടപ്പാക്കുമെന്നും മന്ത്രി വ്യക്തമാക്കി.
