സാമ്പത്തിക പ്രതിസന്ധിയിൽ വലയുന്ന രാജ്യത്തെ പ്രശസ്ത എജ്യൂ–ടെക് കമ്പനി ബൈജൂസിന് വീണ്ടും
കോടതിയിൽ നിന്നും കനത്ത തിരിച്ചടി. ബിസിസിഐയുമായി കമ്പനി ഉണ്ടാക്കിയ ഒത്തുതീര്പ്പ് കരാര് സുപ്രീം കോടതി ഇന്ന് റദ്ദാക്കി.
ബൈജൂസ്ബി സിസിഐയുമായി നടത്തിയ ഒത്തുതീര്പ്പ് അംഗീകരിച്ച ദേശീയ കമ്പനി ലോ അപ്പലേറ്റ് ട്രൈബ്യൂണലിന്റെ ഉത്തരവ് സുപ്രീം കോടതിയുടെ മൂന്നംഗ ബെഞ്ച് റദ്ദാക്കുകയായിരുന്നു . ചീഫ് ജസ്റ്റിസ് ഡി.വൈ.ചന്ദ്രചൂഡ്, ജസ്റ്റിസ് ജെ.ബി.പര്ദിവാല, ജസ്റ്റിസ് മനോജ് മിശ്ര എന്നിവരടങ്ങിയ ബെഞ്ചാണ് ഗ്ലാസ് ട്രസ്റ്റിന്റെ ഹര്ജി പരിഗണിച്ചത്.
ദേശീയ കമ്പനി ലോ ട്രൈബ്യൂണലിന്റെ നടപടികളിലും ഉത്തരവിന്റെ സാധുതയിലും വാദത്തിനിടെ കോടതി സംശയം പ്രകടിപ്പിക്കുകയും ചെയ്തു. ഒത്തുതീര്പ്പ് കരാര് ചോദ്യം ചെയ്ത് ബൈജൂസിന് പണം കടം നല്കിയവര് സമര്പ്പിച്ച ഹര്ജിയിലാണ് വിധി. യുഎസിലെ ഗ്ലാസ് ട്രസ്റ്റ് കമ്പനിയാണ് ബൈജൂസ് ബിസിസിഐയ്ക്ക് 158 കോടി രൂപ നല്കിയത് ചോദ്യംചെയ്ത് സുപ്രീം കോടതിയെ സമീപിച്ചത്.
ബൈജൂസ് ബിസിസിഐയ്ക്ക് നല്കിയ 158 കോടി രൂപ കോടതി നിര്ദേശപ്രകാരം പ്രത്യേക അക്കൗണ്ടിലേക്ക് മാറ്റുകയും ചെയ്തു. മറ്റുള്ള കടക്കാര്ക്ക് 15,000 കോടി രൂപയോളം നല്കാനുള്ളപ്പോള് ബൈജൂസ് ബിസിസിഐയുടെ കടം മാത്രം കൊടുത്തുതീര്ത്തതിന്റെ കാരണം കോടതി ചോദിച്ചു . ഈ രീതിയിൽ ഒരു ഇടപാടിന് കമ്പനി ലോ ട്രൈബ്യൂണല് എങ്ങനെ അംഗീകാരം കൊടുത്തുവെന്നും കോടതി അത്ഭുതപ്പെട്ടു .