മുസ്ലിംലീഗ് നേതൃയോഗത്തിൽ കോൺഗ്രസിന് രൂക്ഷ വിമർശനം. നേതാക്കളിൽ പലർക്കും ധിക്കാരമെന്നും അൻവർ കാര്യത്തിൽ വിഡി സതീശൻ അനാവശ്യ വാശി കാണിച്ചെന്നും വിമർശനം. പിവി അൻവറിന് എതിരെയും യോഗത്തിൽ വിമർശനം ഉയർന്നു.
വിഎസ് ജോയിയെ സ്ഥാനാർഥി ആക്കണമെന്ന് പിവി അൻവർ പ്രഖ്യാപിച്ചത് ശരിയായില്ലെന്നും ഒരു പാർട്ടിയുടെ സ്ഥാനാർഥിത്വത്തിൽ പിവി അൻവറിൻ്റെ പരസ്യ ഇടപെടൽ പാടില്ലയിരുന്നു എന്ന് വിമർശനം ഉയർന്നു.
തുടർച്ചയായി പിവി അൻവർ വാർത്താ സമ്മേളനം നടത്തി യുഡിഎഫിനെ വിമർശിച്ചുവെന്ന് നേതൃയോഗത്തിൽ അംഗങ്ങൾ പറഞ്ഞു. അൻവർ തുടർച്ചയായി വാർത്താ സമ്മേളനം നടത്തുമ്പോൾ സമാനമായി വാർത്താ സമ്മേളനം നടത്തി കോൺഗ്രസ് വിഷയം കൂടുതൽ വഷളാക്കിയെന്നും വിമർശനം ഉയർന്നു.
ലീഗ് പല ഘട്ടത്തിലും അൻവറുമായി ബന്ധപ്പെട്ട കാര്യത്തിൽ സഹകരിപ്പിക്കാൻ ശ്രമിച്ചപ്പോഴും കോൺഗ്രസ് നേതൃത്വം അട്ടിമറിച്ചെന്നും അഭിപ്രായം ഉയർന്നു. രാഹുൽ മാങ്കൂട്ടത്തിലിനെയും മുസ്ലിംലീഗ് നേതൃയോഗത്തിൽ വിമർശിച്ചു.
നേതൃത്വം തീരുമാനം എടുത്ത ശേഷം പാതിരാത്രി കൂടിക്കാഴ്ചക്ക് പോയത് യുഡിഎഫിന് ആകെ നാണക്കേടായി എന്ന് അംഗങ്ങൾ അഭിപ്രായപ്പെട്ടു. അൻവർ മത്സരിച്ചാലും നിലമ്പൂരിൽ വിജയ സാധ്യതയുണ്ട് എന്നാണ് ലീഗ് യോഗത്തിലെ വിലയിരുത്തൽ.
