പുതിയൊരു വന്ദേഭാരത് എക്സ്പ്രസ് കേരളത്തിന് ലഭിച്ചിരിക്കുകയാണ്. എറണാകുളം- ബെംഗളൂരു വന്ദേ ഭാരത് എക്സ്പ്രസ് (ട്രെയിൻ നമ്പർ 26651/ 26652) എറണാകുളത്തെയും ബെംഗളൂരുവിനെയും ബന്ധിപ്പിക്കുന്ന പുതിയ അതിവേഗ ട്രെയിനാണ്. 8 മണിക്കൂറും 40 മിനിറ്റുമാണ് യാത്രാസമയം. എറണാകുളം സൗത്ത് ജങ്ഷനിൽ (ERS) നിന്ന് വൈകിട്ട് 2:20ന് പുറപ്പെടുന്ന ട്രെയിൻ, രാത്രി 11:00ന് കെ.എസ്.ആർ ബെംഗളൂരു സിറ്റി (SBC) സ്റ്റേഷനില് എത്തിച്ചേരും.
തൃശൂർ, പാലക്കാട്, കൊയമ്പത്തൂർ, തിരുപ്പൂർ, ഈ റോഡ്, സേലം, കെ.ആർ പുരം എന്നീ ഏഴ് സ്റ്റേഷനുകളിലാണ് ട്രെയിൻ നിർത്തുക. ടിക്കറ്റ് നിരക്കുകൾ സംബന്ധിച്ച് അടുത്ത ദിവസങ്ങളില് പ്രഖ്യാപനം ഉണ്ടാകും.
റൂട്ടുകളും സ്റ്റോപ്പുകളും
എറണാകുളം- ബെംഗളൂരു (ട്രെയിൻ നമ്പർ 26651): രാവിലെ 5:10ന് എറണാകുളം ജങ്ഷനിൽ നിന്ന് പുറപ്പെട്ട്, ഉച്ചയ്ക്ക് 1:50ന് ബെംഗളൂരിൽ എത്തിച്ചേരും. കെആര് പുരം (5.25), സേലം (8.13), ഈ റോഡ് (9.00), തിരുപ്പൂര് (9.45), കോയമ്പത്തൂര് (10.33), പാലക്കാട് (11.28), തൃശൂര് (12.28)
ബെംഗളൂരു- എറണാകുളം (ട്രെയിൻ നമ്പർ 26652): ഉച്ചകഴിഞ്ഞ് 2:20ന് പുറപ്പെട്ട്, രാത്രി 11:00ന് എറണാകുളം ജങ്ഷനിൽ എത്തിച്ചേരും. തൃശൂർ (3.17), പാലക്കാട് (4.35), കോയമ്പത്തൂർ (5.20), തിരുപ്പൂർ (6.03), ഈ റോഡ് (6.45), സേലം (7.18), കെആർ പുരം (10.23).
ടിക്കറ്റ് ഓൺലൈനായി IRCTC വെബ്സൈറ്റ് വഴിയോ റെയിൽവേ റിസർവേഷൻ കൗണ്ടറുകളിലൂടെയോ ബുക്ക് ചെയ്യാവുന്നതാണ്. ആധുനിക സൗകര്യങ്ങളോടും വേഗതയോടും കൂടി തെക്കേ ഇന്ത്യയിലെ പ്രധാന നഗരങ്ങളെ ബന്ധിപ്പിക്കുന്ന മറ്റൊരു പദ്ധതിയാകും എറണാകുളം- ബെംഗളൂരു വന്ദേഭാരത് എക്സ്പ്രസ്.
വാർത്തകൾക്ക് വാട്സ് ആപ്പ് ഗ്രൂപ്പിൽ ചേരാം
