ടെഹ്റാനിൽ ലക്ഷ്യമിട്ടുള്ള ഒരു ആക്രമണത്തിൽ ഇറാൻ്റെ ഇൻ്റെലിജൻസ് മന്ത്രി ഇസ്മയിൽ ഖത്തീബിനെ ‘കൊലപ്പെടുത്തിയതായി’ ഇസ്രായേൽ പ്രതിരോധ സേന (ഐഡിഎഫ്) ചൊവ്വാഴ്ച അവകാശപ്പെട്ടു.
മഹ്സ അമിനി പ്രതിഷേധത്തിനിടെ പ്രതിഷേധക്കാർക്ക് എതിരായ അറസ്റ്റുകളും നടപടികളും നിരീക്ഷിക്കുന്നത് ഉൾപ്പെടെ ഇറാൻ്റെ ആഭ്യന്തര സുരക്ഷാ സംവിധാനത്തിൽ ഖത്തീബ് ഒരു പ്രധാന പങ്ക് വഹിച്ചിട്ടുണ്ടെന്ന് ഐഡിഎഫ് സോഷ്യൽ മീഡിയയിൽ പങ്കിട്ട ഒരു പ്രസ്താവനയിൽ ആരോപിച്ചു.
ആഗോള തലത്തിൽ ഇസ്രായേലി, അമേരിക്കൻ താൽപ്പര്യങ്ങൾ ലക്ഷ്യമിട്ട് രഹസ്യാന്വേഷണ, രഹസ്യ പ്രവർത്തനങ്ങൾക്ക് അദ്ദേഹം നേതൃത്വം നൽകിയതായും അതിൽ ആരോപിക്കപ്പെട്ടു.
ഇസ്രായേൽ സൈന്യത്തിൻ്റെ അഭിപ്രായത്തിൽ, നിരീക്ഷണം, ചാരവൃത്തി, വിദേശ പ്രവർത്തനങ്ങൾ എന്നിവക്ക് ഉത്തരവാദിത്തമുള്ള ഒരു പ്രധാന ഏജൻസിയാണ് ഇറാൻ്റെ ഇൻ്റെലിജൻസ് മന്ത്രാലയം.
അവകാശവാദത്തെ കുറിച്ച് ഇറാനിയൻ അധികൃതരിൽ നിന്ന് ഉടനടി സ്ഥിരീകരണമോ പ്രതികരണമോ ലഭിച്ചിട്ടില്ല. -ഏജൻസികൾ
