Warning: Cannot modify header information - headers already sent in /home1/nalamida/public_html/wp-content/plugins/gtranslate/gtranslate.php on line 90
‘വിഡ്ഢികൾ’ വിവാദം; ലോക്‌സഭയിൽ രാഹുൽ ഗാന്ധിക്കെതിരെ ഭരണപക്ഷ പ്രതിഷേധം | Nalamidam
25 October 2026
Home News National ‘വിഡ്ഢികൾ’ വിവാദം; ലോക്‌സഭയിൽ രാഹുൽ ഗാന്ധിക്കെതിരെ ഭരണപക്ഷ പ്രതിഷേധം

‘വിഡ്ഢികൾ’ വിവാദം; ലോക്‌സഭയിൽ രാഹുൽ ഗാന്ധിക്കെതിരെ ഭരണപക്ഷ പ്രതിഷേധം

ചോദ്യപേപ്പർ ചോർച്ചക്കെതിരെ വിദ്യാർഥികൾ നടത്തുന്ന പ്രതിഷേധത്തെ രാഹുൽ ഗാന്ധി പ്രശംസിച്ചു

191

ചോദ്യപേപ്പർ ചോർച്ച വിഷയത്തിൽ ലോക്‌സഭയിൽ ഭരണപക്ഷവും പ്രതിപക്ഷവും തമ്മിൽ രൂക്ഷമായ വാക്കേറ്റം. പ്രതിപക്ഷ നേതാവ് രാഹുൽ ഗാന്ധിയുടെ പരാമർശത്തെ തുടർന്നാണ് സഭയിൽ ബഹളം ഉണ്ടായത്.

“വിഡ്ഢികൾ യുവജനതയെ കേൾക്കുന്നില്ല” എന്ന തരത്തിൽ രാഹുൽ ഗാന്ധി നടത്തിയ പരാമർശം ഭരണപക്ഷത്തിന്റെ ശക്തമായ പ്രതിഷേധത്തിന് ഇടയാക്കി. വിദ്യാർഥിയുടെ അഭിപ്രായം ഉദ്ധരിച്ചാണ് താൻ ആ വാക്കുകൾ സഭയിൽ പറഞ്ഞതെന്നും, ആരെയും വ്യക്തിപരമായി “വിഡ്ഢി” എന്ന് വിശേഷിപ്പിച്ചിട്ടില്ലെന്നും രാഹുൽ ഗാന്ധി പിന്നീട് വിശദീകരിച്ചു.

ജന്തർ മന്തറിൽ ചോദ്യപേപ്പർ ചോർച്ചക്കെതിരെ വിദ്യാർഥികൾ നടത്തുന്ന പ്രതിഷേധത്തെ രാഹുൽ ഗാന്ധി പ്രശംസിച്ചു. യുവജനങ്ങളുടെ നേതൃത്വത്തിൽ നടക്കുന്ന സമരങ്ങൾ രാജ്യത്തെ യുവാക്കളുടെ വികാരങ്ങളുടെ ആഴത്തിലുള്ള പ്രകടനമാണെന്നും, അത് കേവലം ദേഷ്യമോ അക്രമമോ വിദ്വേഷമോ അല്ലെന്നും അദ്ദേഹം പറഞ്ഞു. ഇത്തരം പ്രതിഷേധങ്ങൾ തനിക്ക് ആവേശവും ആത്മവിശ്വാസവും നൽകുന്നതാണെന്നും രാഹുൽ കൂട്ടിച്ചേർത്തു.

യുവജനങ്ങളുടെ ശബ്ദത്തെ എല്ലാ രാഷ്ട്രീയ പാർട്ടികളും, പ്രത്യേകിച്ച് ബിജെപി, ബഹുമാനിക്കണമെന്ന് രാഹുൽ ആവശ്യപ്പെട്ടു. സമരങ്ങളിൽ പങ്കെടുക്കുന്ന വിദ്യാർഥികളെക്കുറിച്ച് സ്വന്തം മക്കളോട് സംസാരിച്ചാൽ, പ്രതിഷേധിക്കുന്ന യുവാക്കളോട് അവർക്ക് സഹാനുഭൂതിയുണ്ടെന്ന് ബിജെപി നേതാക്കൾക്ക് മനസ്സിലാകുമെന്നും അദ്ദേഹം അഭിപ്രായപ്പെട്ടു.