Warning: Cannot modify header information - headers already sent in /home1/nalamida/public_html/wp-content/plugins/gtranslate/gtranslate.php on line 90
വിജയ്‌യുടെ രാഷ്ട്രീയ ചുവടുമാറ്റം; ‘ഇന്ത്യ’ സഖ്യത്തിലെത്തുമ്പോൾ മാറുന്നത് എന്തെല്ലാം? | Nalamidam
25 October 2026
Home News National വിജയ്‌യുടെ രാഷ്ട്രീയ ചുവടുമാറ്റം; ‘ഇന്ത്യ’ സഖ്യത്തിലെത്തുമ്പോൾ മാറുന്നത് എന്തെല്ലാം?

വിജയ്‌യുടെ രാഷ്ട്രീയ ചുവടുമാറ്റം; ‘ഇന്ത്യ’ സഖ്യത്തിലെത്തുമ്പോൾ മാറുന്നത് എന്തെല്ലാം?

2029 ലോക്‌സഭാ തിരഞ്ഞെടുപ്പ് ലക്ഷ്യമിട്ടുള്ള വിശാലമായ പ്രതിപക്ഷ സഹകരണത്തിനുള്ള വേദിയായി ‘ഇന്ത്യ’ സഖ്യത്തെ ഉപയോഗിക്കാനാണ് ടിവികെയുടെ നീക്കമെന്നാണ് വിലയിരുത്തൽ.

145

തമിഴ്‌നാട് രാഷ്ട്രീയത്തിൽ പുതിയ നീക്കവുമായി നടൻ വിജയ്‌യുടെ തമിഴക വെട്രി കഴകം (ടിവികെ) ‘ഇന്ത്യ’ സഖ്യത്തിൽ ഔദ്യോഗികമായി ചേർന്നു. ചെന്നൈയിലെ സത്യമൂർത്തി ഭവനിൽ നടന്ന ‘ഇന്ത്യ’ സഖ്യ നേതാക്കളുടെ യോഗത്തിലാണ് തീരുമാനം പ്രഖ്യാപിച്ചത്. ടിവികെ പ്രതിനിധികളായ ആധവ് അർജുന, മേരി വിൽസൺ എന്നിവർ യോഗത്തിൽ പങ്കെടുത്തു.

തമിഴ്‌നാട്ടിൽ കോൺഗ്രസ് ഉൾപ്പെടെയുള്ള കക്ഷികളുടെ പിന്തുണയോടെ ടിവികെ സർക്കാർ രൂപീകരിച്ച സാഹചര്യത്തിലാണ് ദേശീയതലത്തിലും ‘ഇന്ത്യ’ സഖ്യവുമായി സഹകരിക്കാൻ വിജയ്‌യുടെ പാർട്ടി തീരുമാനിച്ചത്. ടിവികെയ്ക്ക് നിയമസഭയിൽ 108 സീറ്റുകളാണുള്ളത്. ഭൂരിപക്ഷത്തിന് ആവശ്യമായ 118 സീറ്റിലേക്ക് എത്താൻ കോൺഗ്രസ്, വിഴികെ, ഇന്ത്യൻ യൂണിയൻ മുസ്‌ലിം ലീഗ് തുടങ്ങിയ കക്ഷികളുടെ പിന്തുണ ആവശ്യമായിരുന്നു.

ടിവികെ ‘ഇന്ത്യ’ സഖ്യത്തിൽ ചേരുന്നത് സംസ്ഥാനത്തെ രാഷ്ട്രീയ സമവാക്യങ്ങളിലും മാറ്റങ്ങൾക്ക് വഴിയൊരുക്കുമെന്നാണ് വിലയിരുത്തൽ. ഇതോടെ ഇതുവരെ പ്രതിപക്ഷ സഖ്യത്തിന്റെ പ്രധാന തമിഴ്‌നാട് മുഖമായിരുന്ന ഡിഎംകെയുടെ രാഷ്ട്രീയ നിലപാടും കൂടുതൽ ശ്രദ്ധേയമാകും.

അതേസമയം, ഇവിഎം, വോട്ടർപട്ടിക പരിഷ്കരണം, സ്പെഷ്യൽ ഇന്റൻസീവ് റിവിഷൻ (എസ്ഐആർ) തുടങ്ങിയ വിഷയങ്ങളാണ് യോഗത്തിൽ പ്രധാനമായും ചർച്ച ചെയ്തത്. ചീഫ് ഇലക്ഷൻ കമ്മീഷണർ ഗ്യാനേഷ് കുമാറിനെതിരെയും എസ്ഐആറിനെതിരെയും പ്രമേയങ്ങൾ പാസാക്കി. ഒക്ടോബർ 13, 14 തീയതികളിൽ സംസ്ഥാനത്ത് പ്രതിഷേധങ്ങളും ഒക്ടോബർ 15ന് ചെന്നൈയിൽ വൻ പ്രതിഷേധവും നടത്താനും തീരുമാനിച്ചു.

2029 ലോക്‌സഭാ തിരഞ്ഞെടുപ്പ് ലക്ഷ്യമിട്ടുള്ള വിശാലമായ പ്രതിപക്ഷ സഹകരണത്തിനുള്ള വേദിയായി ‘ഇന്ത്യ’ സഖ്യത്തെ ഉപയോഗിക്കാനാണ് ടിവികെയുടെ നീക്കമെന്നാണ് വിലയിരുത്തൽ. അതേസമയം, വിജയ്‌യെ ഭാവി പ്രധാനമന്ത്രി സ്ഥാനാർഥിയായി ഉയർത്തിക്കാട്ടുന്ന പ്രചാരണങ്ങൾ തൽക്കാലം ഒഴിവാക്കാൻ പാർട്ടി നേതൃത്വം നിർദേശം നൽകിയതായും റിപ്പോർട്ടുകളുണ്ട്.

ടിവികെയുടെ സഖ്യപ്രവേശത്തോടെ തമിഴ്‌നാട്ടിൽ കോൺഗ്രസ്, ഇടതുപാർട്ടികൾ, വിസികെ, എംഡിഎംകെ തുടങ്ങിയ കക്ഷികളുമായുള്ള ഡിഎംകെയുടെ സഖ്യസമവാക്യങ്ങളും കൂടുതൽ സങ്കീർണമാകുമെന്നാണ് രാഷ്ട്രീയ നിരീക്ഷണം.