ചെന്നൈയിലെ കുടുംബ കോടതിയിൽ നവംബർ 21 വ്യാഴാഴ്ച ഹാജരായ ഐശ്വര്യ രജനികാന്തും ധനുഷും വേർപിരിയാനുള്ള ആഗ്രഹം പ്രകടിപ്പിച്ചു. 2022ൽ സോഷ്യൽ മീഡിയയിൽ വേർപിരിയൽ പ്രഖ്യാപിച്ചതിന് ശേഷം ഇതാദ്യമായാണ് ഇവർ കോടതിയിൽ ഹാജരാകുന്നത്.
അന്തിമ വിധി പറയാൻ സാധ്യതയുള്ള നവംബർ 27-ലേക്ക് ജഡ്ജി വാദം കേൾക്കുന്നത് മാറ്റിവച്ചു. 2022 ജനുവരി 17ന് ധനുഷും ഐശ്വര്യയും വേർപിരിയാനുള്ള തീരുമാനം പ്രഖ്യാപിച്ച് ഒരു സംയുക്ത പ്രസ്താവന പങ്കിട്ടു.
‘സുഹൃത്തുക്കളായും ദമ്പതികളായും മാതാപിതാക്കളായും അഭ്യുദയ കാംക്ഷികളായും 18 വർഷത്തെ ഒരുമയുടെ ജീവിതം. വളർച്ച, മനസ്സിലാക്കൽ, പൊരുത്തപ്പെടുത്തൽ, എന്നിങ്ങനെയായിരുന്നു യാത്ര. ഇന്ന് നാം നമ്മുടെ വഴികൾ വേർതിരിക്കുന്ന ഒരു സ്ഥലത്താണ് നിൽക്കുന്നത്’. -പറഞ്ഞു.
‘ഐശ്വര്യയും ധനുഷും ദമ്പതികളെന്ന നിലയിൽ വേർപിരിയാനും വ്യക്തികളെന്ന നിലയിൽ ഞങ്ങളെ നന്നായി മനസ്സിലാക്കാനും സമയമെടുക്കാനും തീരുമാനിച്ചു. ദയവായി ഞങ്ങളുടെ തീരുമാനത്തെ മാനിക്കുകയും ഇത് കൈകാര്യം ചെയ്യാൻ ആവശ്യമായ സ്വകാര്യത ഞങ്ങൾക്ക് നൽകുകയും ചെയ്യുക.’ -അവർ പറഞ്ഞു.
2004ൽ വിവാഹിതരായ ഐശ്വര്യയ്ക്കും ധനുഷിനും യാത്ര, ലിംഗ എന്നീ രണ്ട് ആൺമക്കളുണ്ട്.
