അര്ജന്റീനയുടെ എക്കാലത്തയും മികച്ച ഫുട്ബോള് താരം എയ്ഞ്ചല് ഡി മരിയ വിരമിക്കുന്നു. ലയണല് മെസിക്കൊപ്പം ലോകമെമ്പാടുമുള്ള ഫുട്ബോള് ആരാധകര്ക്ക് പ്രിയപ്പെട്ട കളിക്കാരനാണ് അര്ജന്റീനയുടെ ഈ റൈറ്റ് വിങ്ങര്.
2024ലെ കോപ്പാ അമേരിക്ക ചാമ്പ്യന്ഷിപ്പിന് ശേഷം അന്താരാഷ്ട്ര കരിയറില് നിന്ന് വിരമിക്കാനാണ് താരത്തിന്റെ തീരുമാനം. കഴിഞ്ഞ 15 വര്ഷമായി അര്ജന്റീനയുടെ വിശ്വസ്തനായ ഡീ മരിയ കഴിഞ്ഞ ലോകകപ്പിലും നിര്ണായക പ്രകടനം കാഴ്ചവെച്ചു.
ഇന്സ്റ്റഗ്രാം പോസ്റ്റിലൂടെ ഡീ മരിയ തന്നെയാണ് വിരമിക്കലിനെ കുറിച്ച് ആരാധകരെ അറിയിച്ചത്. 2022 ലോകകപ്പ് ഫൈനലിലെ ഡി മരിയയുടെ ഗോള് ഏറെ നിര്ണായകമായിരുന്നു.
2008-ല് ദേശീയ ടീമിനായി അരങ്ങേറ്റം കുറിച്ച ഡി മരിയ അര്ജന്റീനയ്ക്ക് വേണ്ടി ഇതുവരെ 136 മത്സരങ്ങളില് ബൂട്ടണിഞ്ഞു. നാല് ലോകകപ്പുകളില് കളിച്ചു. ആറ് കോപ്പ അമേരിക്ക ടൂര്ണമെന്റുകളിലും ഈ 35കാരന് പങ്കെടുത്തിട്ടുണ്ട്. പോർച്ചുഗീസ് ചാമ്പ്യൻമാരായ ബെൻഫിക്ക, റയൽ മാഡ്രിഡ്, PSG, യുവന്റസ്, മാഞ്ചസ്റ്റർ യുണൈറ്റഡ് എന്നി ക്ലബ്ബുകളിലും താരം കളിച്ചിട്ടുണ്ട്.
അടുത്ത വര്ഷം ജൂണ് 20 മുതല് ജൂലായ് 14 വരെയാണ് കോപ്പ അമേരിക്ക നടക്കുന്നത്. യു.എസ്സാണ് ടൂര്ണമെന്റിന് ആതിഥേയത്വം വഹിക്കുന്നത്. വിരമിക്കൽ തീരുമാനം ഏറെ ആശങ്കയോടെയാണ് ആരാധകർ നോക്കിക്കാണുന്നത്. മെസ്സിക്കൊപ്പം അല്ലെങ്കിൽ മെസ്സിയെക്കാളേറെ താരത്തെ ഇഷ്ടപ്പെടുന്ന ആരാധകർ ലോകമെമ്പാടും മരിയ്ക്കുണ്ടെന്നതും ശ്രദ്ധേയമാണ്.
