ബേസില് ജോസഫ്, നസ്രിയ നസീം എന്നിവരെ കേന്ദ്ര കഥാപാത്രങ്ങളാക്കി എം സി സംവിധാനം ചെയ്യുന്ന ‘സൂക്ഷ്മദര്ശിനി’യിലെ പ്രൊമോ സോങ് പുറത്തിറങ്ങി. അടിപൊളി ലുക്കില് ബേസിലും നസ്രിയയും എത്തുന്ന പ്രൊമോ സോങ് ടീസര് സോഷ്യല്മീഡിയ ഏറ്റെടുത്തിരിക്കുകയാണ്. ചിത്രം നവംബര് 22ന് തിയേറ്ററുകളിലെത്തും.
നസ്രിയയും ബേസിലും നായികയും നായകനുമായി ആദ്യമായി ഒരുമിക്കുന്ന ചിത്രത്തിലെ മറ്റ് സുപ്രധാന വേഷങ്ങള് ദീപക് പറമ്പോല്, സിദ്ധാര്ത്ഥ് ഭരതന്, കോട്ടയം രമേശ്, അഖില ഭാര്ഗവന്, പൂജ മോഹന്രാജ്, മെറിന് ഫിലിപ്പ്, മനോഹരി ജോയ്, ഹെസ്സ മെഹക്ക്, ഗോപന് മങ്ങാട്, ജയ കുറുപ്പ്, റിനി ഉദയകുമാര്, ജെയിംസ്, നൗഷാദ് അലി, അപര്ണ റാം, സരസ്വതി മേനോന്, അഭിറാം രാധാകൃഷ്ണന് തുടങ്ങിയവരാണ് കൈകാര്യം ചെയ്യുന്നത്. സിനിമയുടെ മോഷന് പോസ്റ്റര് അടുത്തിടെ പുറത്തിറങ്ങിയിരുന്നത് ഏറെ ശ്രദ്ധ നേടിയിരുന്നതാണ്.
ഹാപ്പി ഹവേര്സ് എന്റര്ടെയ്ന്മെന്റ്സിന്റേയും, എ വി എ പ്രൊഡക്ഷന്സിന്റെന്റെയും ബാനറുകളില് സമീര് താഹിര്, ഷൈജു ഖാലിദ്, എ വി അനൂപ് എന്നിവര് ചേര്ന്നാണ് ചിത്രം നിര്മിക്കുന്നത്. തിരക്കഥ രചിച്ചിരിക്കുന്നത് ലിബിനും അതുലും ചേര്ന്നാണ്. ചിത്രത്തിനായി സംഗീതം ഒരുക്കുന്നത് ക്രിസ്റ്റോ സേവ്യറാണ്.
എക്സിക്യൂട്ടീവ് പ്രൊഡ്യുസേഴ്സ്: ഇംതിയാസ് കദീര്, സനു താഹിര്, ഛായാഗ്രഹണം: ശരണ് വേലായുധന്, ചിത്രസംയോജനം: ചമന് ചാക്കോ, ഗാനരചന: മു.രി, വിനായക് ശശികുമാര്, ഓഡിയോഗ്രാഫി: വിഷ്ണു ഗോവിന്ദ്, കലാസംവിധാനം: വിനോദ് രവീന്ദ്രന്, മേക്കപ്പ്: ആര് ജി വയനാടന്, വസ്ത്രാലങ്കാരം: മഷര് ഹംസ, സ്റ്റില്സ്: രോഹിത് കൃഷ്ണന് എന്നിവരാണ്.
