രാജ്യത്തെ സംപ്രേഷണ നിയമങ്ങള്‍ ലംഘിച്ചതായി അന്വേഷണത്തില്‍ കണ്ടെത്തിയതിനെ തുടര്‍ന്ന് യു കെയിലെ മീഡിയ നിരീക്ഷണ അതോറിറ്റി ഖല്‍സ ടെലിവിഷന്‍ ലിമിറ്റഡിന്റെ സംപ്രേഷണ ലൈസന്‍സ് സസ്‌പെന്‍ഡ് ചെയ്തു. 2021 ഡിസംബര്‍ 30-ന് കെ ടിവിയില്‍ സംപ്രേക്ഷണം ചെയ്ത ‘പ്രൈം ടൈം’ പ്രോഗ്രാമിന്റെ പേരില്‍ കമ്പനിക്ക് സസ്പെന്‍ഷന്‍ നോട്ടീസ് നല്‍കിയതിന് ശേഷമാണ് ഓഫീസ് ഓഫ് കമ്മ്യൂണിക്കേഷന്‍സ് (ഓഫ്കോം) ഈ ആഴ്ച തീരുമാനം പ്രഖ്യാപിച്ചത്.
95 മിനിറ്റ് ദൈര്‍ഘ്യമുള്ള ഒരു തത്സമയ ചര്‍ച്ചാ പരിപാടിയില്‍ ‘അക്രമത്തിന് പ്രേരിപ്പിക്കുന്ന’ കാര്യങ്ങള്‍ ഉള്‍പ്പെടുത്തിയതായി കമ്മ്യൂണിക്കേഷന്‍സ് റെഗുലേറ്റര്‍ പറഞ്ഞു. ഖലിസ്ഥാന്‍വാദം പ്രചരിപ്പിക്കുന്ന രീതിയിലുള്ള പരിപാടിയാണിതെന്നാണ് ആരോപണം.
- Advertisement -
