സംവിധായകൻ ആയും നടൻ ആയും തമിഴ് താരം ധനുഷ് എത്തുന്ന പുതിയ സിനിമ ‘രായൻ’ റിലീസ് തിയതി പ്രഖ്യാപിച്ചു. ധനുഷിന്റെ കരിയറിലെ 50മത്തെ ചിത്രമാണ് രായന്. ധനുഷ് വൻ മേക്കോവറിലാണെത്തുന്ന രായൻ സിനിമയുടെ അപ്ഡേറ്റ് പുറത്തുവിട്ടിരിക്കുകയാണ് ഇപ്പോള് നിര്മ്മാതാക്കളായ സണ് പിക്ചേര്സ്.
നേരത്തെ ചിത്രത്തിന്റെ റിലീസ് ജൂലൈ 14 വച്ചിരുന്നെങ്കിലും പിന്നീട് കമല്ഹാസന്റെ ഇന്ത്യന് 2 ഇതിനോട് അടുപ്പിച്ച് റിലീസാകുന്നതിനാല് ക്ലാഷ് ഒഴിവാക്കാന് മാറ്റിയെന്നാണ് കോളിവുഡിലെ സംസാരം. നിലവിൽ ജൂലൈ 26 ന് ആണ് സിനിമയുടെ റിലീസ് തിയതി ആയി പുറത്ത് വീട്ടിരിക്കുന്നത്. കേരളത്തില് രായൻ ഗോകുലം മൂവീസാണ് തിയറ്ററുകളില് വിതരണത്തിന് എത്തിക്കുക.
തമിഴ്, മലയാളം ഭാഷകളിൽ നിന്നും വമ്പൻ താരനിരയാണ് സിനിമയിൽ അണിനിരക്കുന്നത്. മലയാളത്തില് നിന്ന് അപര്ണ ബാലമുരളിക്ക് പുറമേ ചിത്രത്തില് നിത്യ മേനൻ, കാളിദാസ് ജയറാം എന്നിവരും എത്തുമ്പോള് ധനുഷ് സംവിധായകനായ രായനില് മറ്റ് പ്രധാന താരങ്ങള് സുന്ദീപ് കിഷൻ, വരലക്ഷ്മി ശരത്കുമാര്, ദുഷ്റ വിജയൻ. എസ് ജെ സൂര്യ, പ്രകാശ് രാജ്, സെല്വരാഘവൻ എന്നിവരാണ്. ഛായാഗ്രാഹണം നിര്വഹിക്കുന്നത് ഓം പ്രകാശാണ്. സംഗീതം എ ആര് റഹ്മാനാണ്. സണ് പിക്ചേഴാണ് നിര്മാണം.
സിനിമയുടെ പ്രഖ്യാപനം മുതൽ തന്നെ സിനിമയുടെ പ്രമേയം എന്താണ് എന്നതിൽ വലിയ ചർച്ചകൾ ഉണ്ടായിരുന്നു എങ്കിലും ഇതുവരെ അണിയറ പ്രവർത്തകർ ആരും തന്നെ ഈ കാര്യത്തിൽ ഒരു വ്യക്തത വരുത്തിയിട്ടില്ല. തീർത്തും സസ്പെൻസ് ആയി വെച്ചിരിക്കുന്നത് കൊണ്ട് തന്നെ വലിയ പ്രതീക്ഷകൾ ആണ് ആരാധകർക്ക് ഇടയിൽ സിനിമ ഉണ്ടാക്കുന്നത്.
