ഇതിഹാസ സംഗീത സംവിധായകൻ ഇളയരാജയുടെ മകൾ ഭവതാരിനി കഴിഞ്ഞ വർഷം ജനുവരിയിൽ അന്തരിച്ചിരുന്നു കാൻസർ ബാധിച്ച് ആയിരുന്നു 47 കാരിയായ ഭവതാരിനി ആന്തരിക്കുന്നത് . അതേസമയം, ഇളയരാജ തന്റെ മകളുടെ പേരിൽ ഒരു ഓൾ ഗേൾസ് ഓർക്കസ്ട്ര രൂപീകരിക്കാൻ തീരുമാനിച്ചിരിക്കുകയാണ് .
ഈ മ്യൂസിക് ബാൻഡ് മുഴുവൻ പെൺകുട്ടികളുടേതായിരിക്കും. ഇളയരാജ സോഷ്യൽ മീഡിയയിലൂടെയാണ് ഇക്കാര്യം അറിയിച്ചത്. “ഭവത ഗേൾസ് ഓർക്കസ്ട്ര രൂപീകരിക്കുന്നതിൽ എനിക്ക് വളരെ സന്തോഷമുണ്ട്. ശബ്ദങ്ങളുടെയും ഉപകരണങ്ങളുടെയും മിശ്രിതത്തിലൂടെ എന്റെ മകൾ ഭവതാരിനിക്ക് ഞാൻ എന്റെ അനുശോചനം അറിയിക്കുന്നു. നിങ്ങൾ ഒരു ഗായികയോ സംഗീതജ്ഞനോ ആണെങ്കിൽ, ഈ അവസരം നഷ്ടപ്പെടുത്തരുത്.
നിങ്ങളുടെ കഴിവുകൾ കൊണ്ട് തിളങ്ങാൻ ഇത് ഒരു വേദിയായിരിക്കും. നിങ്ങളുടെ ആലാപന, സംഗീത ഉപകരണ കഴിവുകളുടെ സാമ്പിളുകൾ allgirlsorchestra@gmail.com എന്ന വിലാസത്തിലേക്ക് മെയിൽ ഐഡിയിലേക്ക് അയയ്ക്കുക. നിങ്ങളുടെ പ്രൊഫൈലും കോൺടാക്റ്റ് വിശദാംശങ്ങളും അയയ്ക്കുക… ഞങ്ങൾ ഉടൻ നിങ്ങളെ ബന്ധപ്പെടും,” ഇളയരാജ തന്റെ പ്രസ്താവനയിൽ പറഞ്ഞു.