അന്താരാഷ്ട്ര വിപണിയിൽമാർക്കറ്റിൽ ക്രോഡോയിലിന്റെ വില വീണ്ടും കുറഞ്ഞു. യൂറോപ്പിൽ വീണ്ടും കോവിഡ് സംബന്ധിച്ച ആശങ്ക ഉയർന്നതോടെയാണ് എണ്ണവില കാര്യമായി തന്നെ കുറഞ്ഞത്. അവിടെ ഇപ്പോൾ ബ്രെന്റ് ക്രൂഡിന്റെ വില 6.95 ശതമാനം ഇടിഞ്ഞ് ബാരലിന് 78.89 ഡോളറിലെത്തി. എക്കാലത്തെയും ഉയർന്ന വിളയായ 84.78 ഡോളറിൽ നിന്നാണ് വില കഴിഞ്ഞ 10 ദിവസത്തിനുള്ളിൽ ഇത്രയും ഇടിഞ്ഞത്.
കഴിഞ്ഞ മാസം ഒന്നിന് ശേഷം ഇതാദ്യമായാണ് അന്താരാഷ്ട്ര വിപണിയിൽ ബ്രെന്റ് ക്രൂഡോയിലിന്റെ വില 80 ഡോളറിന് താഴെയെത്തുന്നത്. ഈ വലക്കുറവ് ഇന്ത്യയിലും പ്രതിഫലിക്കുമോയെന്നാണ് ഇപ്പോൾ എല്ലാവരും ഉറ്റുനോക്കുന്നത്. ഇല്ലാന കഴിഞ്ഞ 18 ദിവസമായി ഇന്ത്യയിൽ എണ്ണവിലയിൽ മാറ്റം വന്നിട്ടില്ല എന്നതാണ് വാസ്തവം.
നവംബർ നാലിന് കേന്ദ്രസർക്കാർ പെട്രോളിനും ഡീസലിനും നികുതി യഥാക്രമം അഞ്ച് രൂപയും 10 രൂപയും കുറച്ചിരുന്നു. രാജ്യ തലസ്ഥാനമായ ന്യൂ ഡൽഹിയിൽ കഴിഞ്ഞ 18 ദിവസമായി പെട്രോൾ വില 103.97 രൂപയിലും ഡീസൽ 86.67 രൂപയിലും തന്നെ തുടരുകയാണ്. പക്ഷെ ഇപ്പോൾ യൂറോപ്പിലെ കോവിഡ് നിയന്ത്രണങ്ങൾ മൂലം ഇന്ധന ആവശ്യകതയിൽ കുറവുണ്ടായാൽ വരും ദിവസങ്ങളിലും വില കുറയാൻ തന്നെയാണ് സാധ്യത എന്നാണ് വിദഗ്ദ്ധർ വിലയിരുത്തുന്നത്.
