യാത്രക്കാർക്ക് ഗൃഹാതുരത്വം ഉണർത്താൻ ഇന്ത്യൻ റെയിൽവേ വിന്റേജ് സ്റ്റീം എഞ്ചിനുകൾ ഉടൻ പുറത്തിറക്കും. ഏറ്റവും മികച്ച ആധുനിക സൗകര്യങ്ങളോടെയാണ് ഇന്ത്യൻ റെയിൽവേയുടെ ‘ടി’ ട്രെയിൻ എത്തുന്നത്.ദക്ഷിണ റെയിൽവേ പ്രത്യേക ടൂറിസ്റ്റ് ട്രെയിനായി ടി ട്രെയിനിനെ അവതരിപ്പിക്കുന്നു.
രൂപത്തിൽ എഞ്ചിൻ പഴയ ആവി എഞ്ചിന് സമാനമാണെങ്കിലും, ഇത് വൈദ്യുതിയിൽ പ്രവർത്തിക്കുന്നു. സതേൺ റെയിൽവേയുടെ പെരമ്പൂർ ഗാരേജ്, ആവഡി ഇഎംയു കാർ ഷെഡ്, തിരുച്ചിറപ്പള്ളി ഗോൾഡൻ റേക്ക് വർക്ക്ഷോപ്പ് എന്നിവിടങ്ങളിലാണ് ഈ ട്രെയിൻ നിർമ്മിച്ചത്. രാജ്യത്തെ പഴയ വിന്റേജ് ട്രെയിനുകൾക്ക് സമാനമാണ് നിർമ്മാണ രീതി. 1895-ൽ നിർമ്മിച്ച തദ്ദേശീയ സ്റ്റീം എഞ്ചിൻ F734 രൂപത്തിലാണ് ട്രെയിനിന്റെ മുൻഭാഗവും പിൻഭാഗവും രൂപകൽപ്പന ചെയ്തിരിക്കുന്നത്.
എസി കോച്ചുകളാണ് ട്രെയിനിലുള്ളത്. ഇന്റഗ്രല് കോച്ച് ഫാക്ടറിയിലായിരുന്നു രൂപകല്പന. മൂന്നു കോച്ചുകള് ചെയര്കാറുകളാണ്. ഒരെണ്ണം റസ്റ്ററന്റാണ്. മികച്ച യാത്രാനുഭവം ലഭിക്കുന്നതിനായി മനോഹരമായ ഇന്റീരിയറുകളാണ് ഒരുക്കിയിരിക്കുന്നതെന്നും റെയില്വേ വ്യക്തമാക്കി. ട്രെയിനിലെ എക്സിക്യൂട്ടീവ് ചെയര്കാറില് 48 പേര്ക്ക് ഇരിക്കാനുള്ള സൗകര്യമുണ്ട്
