തൊഴിലാളികളെയും തൊഴിലാളികളുടെ നേട്ടങ്ങളെ ആദരിക്കുന്നതിനും അവരുടെ അവകാശങ്ങളെക്കുറിച്ച് ബോധവാന്മാരാകാൻ അവരെ പ്രോത്സാഹിപ്പിക്കുന്നതിനുമായി എല്ലാ വർഷവും മെയ് 1 ന് ലോകമെമ്പാടും അന്താരാഷ്ട്ര തൊഴിലാളി ദിനം ആഘോഷിക്കുന്നു. ഈദിനം ‘മെയ് ഡേ’ എന്നറിയപ്പെടുന്ന, 19-ആം നൂറ്റാണ്ടിൽ യുണൈറ്റഡ് സ്റ്റേറ്റ്സിലെ ലേബർ യൂണിയൻ പ്രസ്ഥാനത്തിൽ നിന്നാണ് അതിന്റെ ഉത്ഭവം.
തൊഴിലാളി ദിനം അംഗീകരിച്ചുകൊണ്ട് ആദ്യമായി ഒരു ബിൽ അവതരിപ്പിച്ചത് ന്യൂയോർക്കായിരുന്നു. 1887 ഫെബ്രുവരി 21 ന് ഒറിഗോണാണ് ആദ്യമായി ഒരു നിയമം പാസാക്കിയത്. പിന്നീട് 1889-ൽ മാർക്സിസ്റ്റ് ഇന്റർനാഷണൽ സോഷ്യലിസ്റ്റ് കോൺഗ്രസ് ഒരു വലിയ അന്താരാഷ്ട്ര പ്രകടനത്തിന് ഒരു പ്രമേയം അംഗീകരിച്ചു. തൊഴിലാളികളെ ദിവസം എട്ട് മണിക്കൂറിൽ കൂടുതൽ ജോലി ചെയ്യിക്കരുതെന്ന് അവർ ആവശ്യപ്പെട്ടു. ഇതോടെ മെയ് ഒന്ന് അവധിയായി പ്രഖ്യാപിക്കാനും തീരുമാനമായി.
ഇന്ത്യയിലെ തൊഴിലാളി ദിനം
ഇന്ത്യ 1923 മെയ് 1 ന് ചെന്നൈയിൽ തൊഴിലാളി ദിനം ആഘോഷിക്കാൻ തുടങ്ങി. ഇത് ‘കാംഗർ ദിവസ്’, ‘കാംഗർ ദിന്’, ‘അന്ത്രരാഷ്ട്രീയ ശ്രമിക് ദിവസ്’ എന്നീ പേരുകളിലും അറിയപ്പെടുന്നു. ലേബർ കിസാൻ പാർട്ടി ഓഫ് ഹിന്ദുസ്ഥാനാണ് ആദ്യമായി ഈ ദിനം ആചരിച്ചത്. ഇത് രാജ്യത്ത് ദേശീയ അവധിയായി കണക്കാക്കപ്പെടുന്നു.
തൊഴിലാളി ദിനാചരണം
ഈ ദിവസം, തൊഴിലാളികളുടെ അവകാശങ്ങൾ ഉറപ്പുവരുത്തുന്നതിനും അവരെ ചൂഷണത്തിൽ നിന്ന് രക്ഷിക്കുന്നതിനുമായി ലോകമെമ്പാടുമുള്ള ആളുകൾ മാർച്ചുകളും പ്രതിഷേധങ്ങളും നടത്തി ദിനം ആചരിക്കുന്നു. ബോധവൽക്കരണം നടത്തുന്നതിനായി പല രാജ്യങ്ങളിലും ഈ ദിവസം പൊതു അവധി പ്രഖ്യാപിച്ചിട്ടുണ്ട്.