ഇന്ത്യൻ സിനിമ ആരാധകർ ഏറെ കാത്തിരിക്കുന്ന കൽക്കി 2898 എഡി. വരുന്ന ജൂണ് 27നാണ് ചിത്രം റിലീസ് ചെയ്യുന്നത്. ചിത്രത്തിന്റെ ഓണ്ലൈന് ബുക്കിംഗ് ഹൈദരാബാദിൽ ആരംഭിച്ചു കഴിഞ്ഞു. ഈ മിത്തോളജിക്കൽ സയൻസ് ഫിക്ഷൻ എൻ്റർടെയ്നറിനുള്ള ടിക്കറ്റുകൾ 2D, 3D ഫോർമാറ്റുകളിൽ ലഭ്യമായി മണിക്കൂറുകള്ക്കുള്ളിലാണ് ചൂടപ്പം പോലെ വിറ്റുപോയത്. റിബൽ സ്റ്റാര് എന്ന് വിളിക്കുന്ന പ്രഭാസിന്റെ താരമൂല്യം ഉയര്ത്തുന്ന ബിഗ് ബജറ്റ് ചിത്രത്തിന് ബുക്ക് മൈ ഷോയിൽ ഇപ്പോൾ മണിക്കൂറിൽ 60,000-ൽ അധികം ടിക്കറ്റുകളാണ് വിറ്റുപോകുന്നത്.
എന്നാൽ ബുക്കിങ്ങിനു ഇടയിൽ ആണ് മറ്റൊരു പ്രശ്നം സംഭവിച്ചത്. കൽക്കി 2898 എഡി ബുക്ക് ചെയ്യാന് ശ്രമിച്ച പലര്ക്കും കല്ക്കി എന്ന 2019ലെ ചിത്രത്തിനാണ് ബുക്കിംഗ് ലഭിച്ചത് എന്നാണ് വിവരം. കൽക്കി 2898 എഡിക്കൊപ്പം കല്ക്കിയും ബുക്ക് മൈ ഷോയില് പ്രത്യക്ഷപ്പെട്ടതാണ് ആശയക്കുഴപ്പത്തിന് ഇടയാക്കിയത്. ബുക്കിംഗ് പൂർത്തിയാക്കിയ ശേഷമാണ് തെറ്റായ ചിത്രത്തിന് ടിക്കറ്റ് വാങ്ങിയതെന്ന് പലരും അറിയുന്നത്.
മിനിറ്റുകൾക്കകം രാജശേഖറിൻ്റെ പഴയ ചിത്രത്തിന്റെ ഷോകള് ഹൗസ്ഫുൾ ആയി. അതേ സമയം കൽക്കി 2898 എഡിയുടെ ഹൈപ്പ് മുതലാക്കാനുള്ള മനഃപൂർവമായ പണിയാണോ എന്ന് ആളുകൾ സോഷ്യൽ മീഡിയയിൽ പ്രതികരിക്കാൻ തുടങ്ങിയതിനു ശേഷം വിശദീകരണവുമായി ബുക്ക് മൈ ഷോ രംഗത്ത് വന്നു.
സാങ്കേതിക തകരാർ മൂലം ടിക്കറ്റ് വിൽപന പ്ലാറ്റ്ഫോമിൽ രാജശേഖറിൻ്റെ കൽക്കി പ്രത്യക്ഷപ്പെട്ടതാണെന്നം. കൽക്കിയുടെ ടിക്കറ്റ് വാങ്ങിയ എല്ലാവരും കൽക്കി 2898 എഡിക്ക് ബുക്കിംഗ് ലഭിക്കും എന്നാണ് ബുക്ക് മൈ ഷോ അറിയിച്ചത്. തങ്ങളുടെ എക്സ് പ്ലാറ്റഫോം വഴി ആണ് ബുക്ക് മൈ ഷോ ഇത് അറിയിച്ചത്.
