ബോക്സിംഗ് ഇതിഹാസം മൈക്ക് ടൈസനും മുന് യൂട്യൂബറായ ജേക്ക് പോളും തമ്മിലുള്ള പോരാട്ടം നെറ്റ്ഫ്ലിക്സിന് വമ്പൻ നേട്ടമായി. 60 മില്യണ് ആളുകള് സ്ട്രീമിംഗിലൂടെ പോരാട്ടം തത്സമയം കണ്ടതോടെ നെറ്റ്ഫ്ലിക്സ് ചരിത്രത്തിലെ ഏറ്റവും വലിയ ലൈവ് ഈവന്റുകളിലൊന്നായി ഇത് മാറി.
സ്ട്രീമിംഗ് തകരാറുകളെ മറികടന്ന് റെക്കോർഡ്
വീഡിയോ ബഫറിംഗും ഫ്രീസിംഗും അടക്കമുള്ള സ്ട്രീമിംഗ് പ്രശ്നങ്ങളെ കുറിച്ച് 1,00,000-ത്തിലധികം ആളുകൾ ഡൗൺഡിറ്റെക്ടര് വഴി പരാതിപ്പെട്ടു. അതിനിടയിലും, ടൈസൻ-ജേക്ക് പോൾ പോരാട്ടം ആറുകോടി കാഴ്ചക്കാർ ആസ്വദിച്ചു. പ്രധാനമായും അമേരിക്കയിൽ നിന്നുള്ള കാഴ്ചക്കാരാണ് ഈ റെക്കോർഡിനുള്ളിൽ അടങ്ങിയിരുന്നത്.
ഇത്തോടൊപ്പം അരങ്ങേറിയ അമാണ്ട സെരാനോ-കേറ്റി ടെയ്ലര് വനിതാ ബോക്സിംഗ് മത്സരം അഞ്ച് കോടി ആളുകൾ സ്ട്രീമിംഗിലൂടെ കണ്ടു. ഇത്, അമേരിക്കൻ ചരിത്രത്തിലെ ഏറ്റവും കൂടുതൽ പേർ കണ്ട വനിതാ പ്രൊഫഷണൽ കായിക ഇവന്റായി മാറാനുള്ള സാധ്യതയും പ്രകടമാക്കുന്നു.
ലോകം കാത്തിരുന്ന പോരാട്ടം
6,000-ലധികം ബാറുകളിലും റസ്റ്റോറന്റുകളിലും നെറ്റ്ഫ്ലിക്സ് തത്സമയം സംപ്രേഷണം നടത്തിയ ഈ പോരാട്ടം ടെക്സസിലെ ഡാളസിലെ എ.ടി ആൻഡ് ടി സ്റ്റേഡിയത്തിൽ വച്ചു അരങ്ങേറി. 58-ാം വയസിൽ ബോക്സിംഗ് റിംഗിലേക്ക് മടങ്ങിയെത്തിയ മൈക്ക് ടൈസന്, 27-കാരനായ ജേക്ക് പോളിനെതിരെ വിജയം നേടാനായില്ല. വ്യക്തമായ ആധിപത്യത്തോടെ പോളാണ് മത്സരത്തിൽ വിജയിച്ചത്.
ബോക്സർമാരുടെ പ്രതിഫലവും നേട്ടവും
വിജയത്തിന്റെ ഭാഗമായി ജേക്ക് പോളിന് 40 മില്യണ് ഡോളര് (ഏകദേശം 338 കോടി രൂപ) ലഭിച്ചപ്പോൾ, മൈക്ക് ടൈസന് 20 മില്യണ് ഡോളര് (ഏകദേശം 169 കോടി രൂപ) പ്രതിഫലമായി ലഭിച്ചു. സമകാലീന ബോക്സിംഗിലെ ഏറ്റവും വലിയ മത്സരമായി വിശേഷിപ്പിച്ചിരുന്ന ഈ പോരാട്ടം, നെറ്റ്ഫ്ലിക്സിന് സ്ട്രീമിംഗ് ചരിത്രത്തിൽ പുതിയ അധ്യായം കുറിക്കാനായി.
