. രഞ്ജിത്ത് പി തങ്കപ്പൻ
മിത്ത്1 : കഴിഞ്ഞ കുറച്ച് വർഷങ്ങളായി ശരാശരി ആഗോള താപനില (Average global temperature – AGT) വൻതോതിൽ വർദ്ധിച്ചു.
വസ്തുത : 1995 മുതൽ അന്തരീക്ഷ CO 2 ന്റെ 8% വർദ്ധിച്ചിട്ടും 1995 മുതൽ AGT വർദ്ധിച്ചിട്ടില്ല, 2002 മുതൽ അതുകുറയുകയാണുണ്ടായത്.
മിത്ത് 2 : ഇരുപതാം നൂറ്റാണ്ടിന്റെ അവസാനത്തിൽ, AGT അപകടകരമായ വേഗത്തിലുള്ള നിരക്കിൽ വർധിക്കുകയും അഭൂതപൂർവമായ അളവിൽ എത്തുകയും ചെയ്തു.
വസ്തുത : 20-ആം നൂറ്റാണ്ടിന്റെ അവസാനത്തിലെ AGT വർദ്ധനവ് 1-2 ഡിഗ്രി C/നൂറ്റാണ്ട് എന്ന നിരക്കിലായിരുന്നു, ഇത് കഴിഞ്ഞ 10,000 വർഷമായി കാലാവസ്ഥാ വ്യതിയാനത്തിന്റെ സ്വാഭാവിക നിരക്കുകളിലാണ്. സമീപകാല AGT യേക്കാൾ നിരവധി ഡിഗ്രി ചൂട് കൂടുതലായിരുന്നു പോയ നൂറ്റാണ്ടുകളിൽ.
മിത്ത് 3 : AGT വ്യാവസായികത്തിന് മുമ്പുള്ള കാലഘട്ടത്തിൽ താരതമ്യേന മാറ്റമില്ലാത്തതായിരുന്നു, 1900 മുതൽ അതായതു വ്യാവസായിക കാലം മുതൽ ഗ്ലോബൽ വാമിങ് കുതിച്ചുയർന്നു, കമ്പ്യൂട്ടർ മോഡലിംഗ് പ്രകാരം അടുത്ത 100 വർഷത്തിനുള്ളിൽ ഗ്ലോബൽ വാമിങ് നിരവധി ഡിഗ്രികൾ വർദ്ധിക്കും ((the Mann, Bradley & Hughes “hockey stick” curve and its computer extrapolation).
വസ്തുത : ഈ സ്ഥിതിവിവരക്കണക്കുകൾ വിദഗ്ധർ തന്നെ നിരാകരിച്ചതാണ്. കഴിഞ്ഞകാല കാലാവസ്ഥയിൽ മാറ്റമൊന്നും ഉണ്ടായിട്ടില്ലെന്നോ എജിടിയിലെ 20-ാം നൂറ്റാണ്ടിലെ മാറ്റങ്ങൾ അസാധാരണമായിരുന്നെന്നോ അപകടകരമായ മനുഷ്യതാപനം നടക്കുന്നുണ്ടെന്നോ ശാസ്ത്രീയമായി ബോധ്യപ്പെടുത്തുന്ന തെളിവുകളൊന്നുമില്ല.
മിത്ത് 4 : അടുത്ത 100 വർഷത്തിനുള്ളിൽ AGT 6 ഡിഗ്രി C വരെ വർദ്ധിക്കുമെന്ന് കമ്പ്യൂട്ടർ മോഡലുകൾ പ്രവചിക്കുന്നു .
വസ്തുത : Deterministic കമ്പ്യൂട്ടർ മോഡലുകൾ തീർച്ചയായും അങ്ങനെ പ്രവചിക്കുന്നു എന്നാൽ തുല്യ സാധുതയുള്ള empirical കമ്പ്യൂട്ടർ മോഡലുകൾ തണുപ്പാണ് പ്രവചിക്കുന്നത് !
മിത്ത് 5 : ചൂട് 2 ഡിഗ്രി C യിൽ കൂടുതൽ വർധിച്ചാൽ ആവാസവ്യവസ്ഥയിലും മനുഷ്യരാശിയിലും ഒരുപോലെ വിനാശകരമായ പ്രത്യാഘാതങ്ങൾ ഉണ്ടാക്കും.
വസ്തുത : 2 ഡിഗ്രി C മാറ്റം മുൻപും സ്വാഭാവിക പരിധിക്കുള്ളിൽ തന്നെ ആയിരുന്നു. ആവാസവ്യവസ്ഥകൾ പുരാതന കാലം മുതൽ അത്തരം മാറ്റങ്ങളുമായി പൊരുത്തപ്പെടുന്നു. പരിണാമം പ്രക്രിയകൾ അതാണ് കാണിക്കുന്നത്. എല്ലാ കാലാവസ്ഥാ വ്യതിയാനങ്ങളോടും പൊരുത്തപെട്ടാണ് മനുഷ്യവർഗ്ഗം കടന്നുപോകുന്നതും.
മിത്ത് 6 : അന്തരീക്ഷത്തിലേക്ക് മനുഷ്യ നിർമ്മിത CO 2 കൂടുതൽ ചേരുന്നത് അപകടകരമായി ചൂട് വർദ്ധിപ്പിക്കും, പൊതുവെ ദോഷകരവുമാണ്.
വസ്തുത : പ്രകൃതിദത്ത മായി സംഭവിക്കുന്നതിൽ നിന്നും വ്യത്യസ്തമായി മനുഷ്യനുണ്ടാക്കുന്ന താപനത്തിനു ഇതുവരെ ശാസ്ത്രീയമായ തെളിവുകൾ ഇല്ല ! മനുഷ്യനാൽ സംഭവിക്കുന്ന ഏതെങ്കിലും അധിക താപനം ഒരുപക്ഷേ 1 ഡിഗ്രി C- ൽ താഴെയായിരിക്കും. അന്തരീക്ഷത്തിലെ CO 2 , പ്രത്യേകിച്ച് ധാന്യവിളകൾ ഉൾപ്പെടെയുള്ള സസ്യങ്ങൾക്ക് പ്രയോജനപ്രദമായ ഒരു വളമാണ്, കൂടാതെ കാര്യക്ഷമമായ ബാഷ്പീകരണത്തെ സഹായിക്കുന്നു.
മിത്ത് 7 : സൂര്യ ഊർജ്ജത്തിന്റെ പ്രസരണത്തിലെ വ്യതിയാനങ്ങൾ ഗ്ലോബൽ വാമിങ് ഉണ്ടാക്കുന്നില്ല…
വസ്തുത: സൗരോർജ്ജ വ്യതിയാനങ്ങൾ ഭൂമിയുടെ കാലാവസ്ഥയെ ബാധിക്കുന്നു. ദൃശ്യമായ വികിരണത്തിലെ മാറ്റങ്ങൾ ചെറുതാണെങ്കിലും, കണികാ പ്രവാഹത്തിലെയും കാന്തിക മണ്ഡലത്തിലെയും മാറ്റങ്ങൾ ശക്തമായ കാലാവസ്ഥാ പ്രഭാവം ചെലുത്തുന്നതായി കണ്ടെത്തിയിട്ടുണ്ട്. ഇരുപതാം നൂറ്റാണ്ടിൽ നിരീക്ഷിച്ച AGT യുടെ 0.8 ഡിഗ്രി C വർദ്ധനയുടെ 50% -ലധികവും സൗരോർജ്ജ വ്യതിയാനം മൂലമാകാം എന്നാണ് വിലയിരുത്തപ്പെടുന്നത്.
മിത്ത് 8 : ഉത്തര ദക്ഷിണ ധ്രുവപ്രദേശങ്ങളിൽ അഭൂതപൂർവമായ മഞ്ഞുരുകൽ നടക്കുന്നു.
വസ്തുത : ഗ്രീൻലാൻഡിലെയും അന്റാർട്ടിക്കിലെയും മഞ്ഞുപാളികൾ അവയുടെ ഉച്ചസ്ഥായിയിൽ കനത്തിലും തണുപ്പിലും വളരുന്നു. 2007-ൽ അന്റാർട്ടിക്കയ്ക്ക് ചുറ്റുമുള്ള കടൽ മഞ്ഞ് റെക്കോർഡ് വിസ്തീർണ്ണം കൈവരിച്ചു. ആർട്ടിക് മേഖലയിലെ താപനില 1940 കളുടെ തുടക്കത്തിൽ അനുഭവിച്ച സ്വാഭാവിക ചൂടിന്റെ അളവിലേക്കാണ് ഇപ്പോൾ വരുന്നത്, കൂടാതെ ഈ പ്രദേശം മുൻകാലങ്ങളിലേക്കാൾ ഇപ്പോഴും ചൂട് കുറവാണ്.
മിത്ത് 9 : മനുഷ്യനുണ്ടാക്കുന്ന ആഗോളതാപനം അപകടകരമായ ആഗോള സമുദ്രനിരപ്പ് (SL) ഉയർച്ചയ്ക്ക് കാരണമാകുന്നു.
വസ്തുത: SL മാറ്റംസമുദ്രനിരപ്പ് കാലാകാലങ്ങളിലും സ്ഥലങ്ങളിലും വ്യത്യാസപ്പെട്ടിരിക്കുന്നു; 1955 നും 1996 നും ഇടയിൽ, ഉദാഹരണത്തിന്, തുവാലുവിലെ Tuvalu സമുദ്രനിരപ്പ് 105 mm (2.5 mm/yr) കുറഞ്ഞു. പാരിസ്ഥിതിക ആസൂത്രണ ആവശ്യങ്ങൾക്ക് യാതൊരു മൂല്യവുമില്ലാത്ത ഒരു സ്റ്റാറ്റിസ്റ്റിക്കൽ അളവാണ് സമുദ്ര നിരപ്പിന്റെ ആഗോള ശരാശരി. കഴിഞ്ഞ 150 വർഷത്തിനിടയിൽ സമുദ്ര നിരപ്പിന്റെ ആഗോള ശരാശരി 1-2 mm/yr ന്റെ വർദ്ധനവ് സ്വാഭാവികമായി സംഭവിക്കുന്നുണ്ട് , ഇതിൽ മനുഷ്യന്റെ ഇടപെടലിന് ശാസ്ത്രീയമായ തെളിവുകൾ ഇല്ല.
മിത്ത് 10 : 20-ആം നൂറ്റാണ്ടിന്റെ അവസാനത്തിൽ AGT യുടെ വർദ്ധനവ് ഗുരുതരമായ കൊടുങ്കാറ്റുകളുടെ എണ്ണത്തിൽ അല്ലെങ്കിൽ തീവ്രതയിൽ വർദ്ധനവിന് കാരണമായി.
വസ്തുത : കാലാവസ്ഥാ വ്യവസ്ഥയുടെ സ്വാഭാവിക വ്യതിയാനവുമായി ബന്ധപ്പെട്ട് അല്ലാതെ അതിനപ്പുറം കൊടുങ്കാറ്റുകളുടെ വർദ്ധനവ് ഉണ്ടായിട്ടില്ലെന്ന് കാലാവസ്ഥാ വിദഗ്ധർ തന്നെ പറയുന്നുണ്ട്.
