യുഎസിലെ ഇല്ലിനോയിസ് ജനറൽ അസംബ്ലിയിലേക്ക് തിരഞ്ഞെടുക്കപ്പെട്ട ഏറ്റവും പ്രായം കുറഞ്ഞ അംഗമായി നബീല സയ്യിദ് ചരിത്രം രചിച്ചു. അടുത്തിടെ നടന്ന യുഎസ് മിഡ്ടേം തിരഞ്ഞെടുപ്പിൽ, 23 കാരിയായ ഇന്ത്യൻ-അമേരിക്കൻ റിപ്പബ്ലിക്കൻ എതിരാളി ക്രിസ് ബോസിനെ പരാജയപ്പെടുത്തി.
ഇല്ലിനോയിസ് സ്റ്റേറ്റ് ഹൗസ് ഓഫ് റെപ്രസന്റേറ്റീവിലെ 51-ആം ഡിസ്ട്രിക്റ്റിലേക്കുള്ള തിരഞ്ഞെടുപ്പിൽ അവർക്ക് 52.3% വോട്ടുകൾ ലഭിച്ചു. “എന്റെ പേര് നബീല സെയ്ദ്. ഞാൻ 23 വയസ്സുള്ള ഒരു മുസ്ലീം, ഇന്ത്യൻ-അമേരിക്കൻ സ്ത്രീയാണ്. റിപ്പബ്ലിക്കൻ പാർട്ടിയുടെ നിയന്ത്രണത്തിലുള്ള ഒരു സബർബൻ ജില്ലയെ ഞങ്ങൾ ഇപ്പോൾ മറിച്ചിട്ടു. ജനുവരിയിൽ, ഇല്ലിനോയിസ് ജനറൽ അസംബ്ലിയിലെ ഏറ്റവും പ്രായം കുറഞ്ഞ അംഗം ഞാനായിരിക്കും.”- തന്റെ ആവേശം ട്വിറ്ററിൽ പങ്കുവെച്ചുകൊണ്ട് സയ്യിദ് പറഞ്ഞു.
നബീല സയ്യിദ് തന്റെ യാത്രയെക്കുറിച്ച് ഇൻസ്റ്റഗ്രാമിൽ ഒരു നീണ്ട കുറിപ്പും എഴുതിയിട്ടുണ്ട്. “ഞാൻ സംസ്ഥാന പ്രതിനിധിയായി പ്രഖ്യാപിച്ചപ്പോൾ, ആളുകളുമായി ആത്മാർത്ഥമായി സംഭാഷണത്തിൽ ഏർപ്പെടുകയെന്നത് ഞാൻ ഒരു ദൗത്യമാക്കി മാറ്റി – അവർക്ക് നമ്മുടെ ജനാധിപത്യത്തിൽ ഇടപെടാൻ ഒരു കാരണം നൽകുകയും അവരുടെ മൂല്യങ്ങളെ പ്രതിനിധീകരിക്കുന്ന മികച്ച നേതൃത്വത്തിനായി പ്രതീക്ഷിക്കുകയും ചെയ്യുക. ” തന്റെ ദൗത്യത്തെക്കുറിച്ച് സംസാരിക്കുമ്പോൾ, അവർ പറഞ്ഞു.
