രാജ്യത്തിന്റെ പൂജാരിയെപോലെയാണ്‌ പ്രധാനമന്ത്രി നരേന്ദ്രമോദി പ്രവർത്തിക്കുന്നതെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. സന്യാസിയുടെ വേഷം ധരിച്ചാണ്‌ പ്രധാനമന്ത്രി പരിപാടികളിൽ പങ്കെടുക്കുന്നതെന്നും മുസ്ലിങ്ങളും ക്രൈസ്‌തവരും കമ്യൂണിസ്‌റ്റുകാരുമില്ലാത്ത ഇന്ത്യയെന്ന ലക്ഷ്യത്തിനുവേണ്ടി ആർഎസ്‌എസ്‌ കേന്ദ്രഭരണത്തെ ഉപയോഗിക്കുകയാണെന്നും അദ്ദേഹം ആരോപിച്ചു.
സിപിഎം കേരളയുടെ ഫേസ്ബുക്കിൽ പങ്കുവെച്ച കുറിപ്പിൽ ഇന്ത്യയിൽ ഹിന്ദുക്കളുടെ രണ്ടു പാർടി എന്ന മോഹൻ ഭാഗവതിന്റെ ലക്ഷ്യം നടപ്പാക്കാനാണ്‌ രാഹുൽഗാന്ധി ശ്രമിക്കുന്നതെന്നും കോടിയേരി പറഞ്ഞു.
ജയ്‌പൂരിൽ സോണിയഗാന്ധിയെ ഇരുത്തിയാണ്‌ ഇന്ത്യ ഹിന്ദുക്കളുടെ രാജ്യമാണെന്നും ഹിന്ദുക്കൾ ഭരിക്കണമെന്നും രാഹുൽ പറഞ്ഞത്‌. ക്രിസ്‌തുമസ്‌ ദിനത്തിൽ 12 സംസ്ഥാനങ്ങളിലാണ്‌ ക്രിസ്‌ത്യൻ പള്ളികൾ അക്രമിക്കപ്പെട്ടതെന്നും കോടിയേരി ഓർമ്മപ്പെടുത്തി.