| അനീഷ് മാത്യു
ആർ എസ് എസിനെ താരതമ്യം ചെയ്യേണ്ടത് മുസ്ലിം ബ്രദർഹുഡും ആയിട്ട് ആണ് അല്ലാതെ ഐസിസും ആയിട്ടല്ല. അവ രണ്ടിന്റെയും തുടക്കവും തുടങ്ങാൻ ഉണ്ടായ സാഹചര്യങ്ങളും അജണ്ടയും ധീർഘകാല സ്ട്രാറ്റജിയും ഐഡിയോളോജിയും അവരുടെ പ്രവർത്തന രീതികളും വേണ്ട ഏതു തരത്തിൽ നോക്കിയാലും ആർ എസ് എസ് എന്നത് ഒരു മുസ്ലിം ബ്രദർഹുഡിന്റെ ഹിന്ദുത്വ വകഭേദം ആണ് .
ഐസിസ് ഉണ്ടായ സാഹചര്യങ്ങളും അതിന്റെ ഐഡിയോളജിയും അതിന്റെ പ്രവർത്തനരീതികളും അതിന്റെ ആഗ്രഹങ്ങളും ആർ എസ് എസ് രീതിയിൽ അല്ല – ഐസിസ് ഒരു പ്രദേശത്തിലെ പവർ വാക്ക്വത്തിൽ നിന്നും സ്വാഭാവികമായും ഉണ്ടായി വന്ന ഭീകരമായ വയലൻസ് ആയുധമാക്കി പെട്ടെന്ന് തന്നെ അധികാരം പിടിച്ചെടുക്കാൻ ശ്രമിച്ച യാതൊരു ദീർഘകാല പരിപാടികളും ഇല്ലാത്ത മണ്ടൻ തീവ്രവാദക്കൂട്ടം മാത്രം ആണ്.
ഐസിസ് ഭീകരമായ വയലൻസ് ആയിരുന്നു തുടക്കം മുതലേ പ്രചാരണ ആയുധം ആയി ഉപയോഗിച്ചത് – അവരുടെ പെട്ടെന്നുള്ള തകർച്ചക്കുള്ള കാരണവും അതാണ്. ഐസിസിന്റെ തലവെട്ടൽ പരിപാടികൾ – അത്തരം പരിപാടികളുടെ പ്രോപഗണ്ട വീഡിയോകൾ തങ്ങളുടെ വളർച്ചക്ക് സഹായിക്കും എന്ന് കരുതിയ അതിന്റെ ബൗദ്ധിക നേത്രത്വം ഒക്കെ ആണ് അതിനെ ഉണ്ടാകും മുമ്പേ ലോകം മുഴുവൻ ശത്രുക്കൾ ഉണ്ടാക്കി തകർത്തത്.
ആർ എസ് എസിനെ ഐസിസും ആയി താരതമ്യം ചെയ്യുന്നത് ബൗദ്ധികമായും തന്ത്രപരമായും തിരഞ്ഞെടുപ്പ് രാഷ്ട്രീയപരമായും ആശയപരമായും എല്ലാം ശുദ്ധ മണ്ടത്തരം ആണ്. താത്കാലികമായി ഒരു മണ്ടൻ ചർച്ച ഉണ്ടാക്കാം എന്നത് മാത്രം ആയിരിക്കും ഉപകാരം. ആർ എസ് എസ് എന്നത് മുസ്ലിം ബ്രദർഹുഡിന്റെ ഹിന്ദുത്വ വേർഷൻ ആണ്.
കേരളാ സ്റ്റോറി സിനിമ പോലും അവരുടെ ദീർഘകാല പരിപാടിയുടെ ഒരു ചെറിയ എപ്പിസോഡ് ആണ്- അത്തരം സിനിമകളെ അതിനു അപ്പുറത്തേക്കുള്ള താരതമ്യങ്ങൾ നടത്തി അവക്ക് അനാവശ്യമായ ലെജിറ്റിമസി ഉണ്ടാക്കുക എന്നത് ആണ് ഐസ് ആർ എസ് എസിന്റെ അപരരൂപം എന്ന എം എ ബേബിയെപ്പോലുള്ളവരുടെ അബദ്ധ പ്രസ്താവനകൾ മൂലം ഉണ്ടാകുന്നത് . ഒരു സിപിഎം പോളിറ്റ് ബ്യുറോ അംഗം ഐസിസിനെ ചെറുതാക്കി വെളുപ്പിക്കാൻ ശ്രമിച്ചു എന്നായിരിക്കും അടുത്ത പത്തു വർഷത്തിന് ശേഷം പരിവാരത്തിന്റെ പ്രചാരണം.
