ലോക്സഭാ തിരഞ്ഞെടുപ്പിലെ ഉജ്ജ്വല വിജയത്തിന് പിന്നാലെ മാധ്യമങ്ങളോട് പുതിയ സിനിമകളെ പറ്റി സംസാരിച്ച് നടനും എം പി യുമായ സുരേഷ് ഗോപി. ഇനിയും സിനിമകൾ ചെയ്യുമൊ എന്ന മാധ്യമങ്ങളുടെ ചോദ്യത്തിന് ഉണ്ട്, എണ്ണമൊന്നും പറയുന്നില്ല എങ്കിലും കമ്മിറ്റ് ചെയ്ത സിനിമകൾ പൂർത്തിയാക്കണമെന്നും അതിൽ ഏറ്റവും ആകാംഷ ഉള്ളത് മമ്മൂട്ടി കമ്പനിയുടെ സിനിമ ആണ് എന്നുമുള്ള പ്രതികരണം സുരേഷ് ഗോപി നടത്തിയത്. ഓഗസ്റ്റിൽ സിനിമയുടെ പ്രവർത്തനങ്ങൾ ആരംഭിക്കും എന്ന പ്രതീക്ഷയും സുരേഷ് ഗോപി പങ്കുവെച്ചു.
തിരഞ്ഞെടുപ്പ് കമ്മീഷൻ കണക്കുകൾ പ്രകാരം 75079 വോട്ടുകളുടെ ഭൂരിപക്ഷം ആണ് തൃശൂരില് നിന്നും സുരേഷ് ഗോപിക്ക് ലഭിച്ചിരിക്കുന്നത്. രണ്ട് തവണ പരാജയം അറിഞ്ഞ ശേഷമാണ് ഏവരെയും ഞെട്ടിച്ച്കൊണ്ട് തൃശ്ശൂർ വൻ വിജയം സുരേഷ് ഗോപി നേടിയത്.
കാതല്, റോഷാക്ക്, കണ്ണൂര് സ്ക്വാഡ്, ടര്ബോ, നന്പകല് നേരത്ത് മയക്കം എന്നിവയാണ് മമ്മൂട്ടി കമ്പനി ഇതിനോടകം നിര്മിച്ച മറ്റ് സിനിമകള്. മമ്മൂട്ടി അല്ലാത്ത ഒരു നടനെ വെച്ച് മമ്മൂട്ടി കമ്പനി ചെയ്യുന്ന ആദ്യ സിനിമയായിരിക്കും സുരേഷ് ഗോപി നായകൻ ആകുന്ന പ്രൊജക്റ്റ്. അതേ സമയം ഗരുഡന് എന്ന ചിത്രമാണ് സുരേഷ് ഗോപിയുടേതായി ഏറ്റവും ഒടുവില് റിലീസ് ചെയ്തത്.
എന്തായാലും എം പി സ്ഥാനത്തിനൊപ്പം സിനിമയും മുന്നോട്ട് കൊണ്ടുപോകും എന്നുള്ള പ്രതീക്ഷയാണ് ആരാധകർക്ക് സുരേഷ് ഗോപി നൽകുന്നത്. ഒപ്പം ഒരുപാട് നാളുകൾ ആയി സംസാര വിഷയം ആയ ‘ഒറ്റകൊമ്പൻ’ ചെയ്യണം എന്ന ആഗ്രഹവും സുരേഷ് ഗോപി പങ്കുവെച്ചു.
