ഇന്ത്യ തങ്ങളുടെ ഇടപാടുകൾ സുരക്ഷിതമാക്കാൻ ഡോളർ ഇതര പണമടയ്ക്കലിലേക്ക് മാറിയതോടെ ജൂലൈയിൽ ഇന്ത്യയുടെ റഷ്യൻ കൽക്കരി ഇറക്കുമതി ഗണ്യമായി വർദ്ധിച്ചതായി റോയിട്ടേഴ്സ് റിപ്പോർട്ട് ചെയ്യുന്നു. അമേരിക്കയുടെ ഉപരോധങ്ങൾക്കിടയിൽ ഡോളർ ഇടപാടുകൾ ഒഴിവാക്കാൻ റഷ്യ ശ്രമിച്ചിരുന്നു. ഇതാണ് ഇന്ത്യയ്ക്കും ഉപകാരമായത്.
ജൂലൈയിൽ, റഷ്യ ഇന്ത്യയുടെ മൂന്നാമത്തെ വലിയ കൽക്കരി വിതരണക്കാരായി മാറി. കഴിഞ്ഞ മാസത്തെ അപേക്ഷിച്ച് ഇറക്കുമതി അഞ്ചിലൊന്ന് വർധിച്ച് റെക്കോർഡ് 2.06 ദശലക്ഷം ടൺ ആയി. ജൂണിൽ യുഎസ് ഡോളർ ഒഴികെയുള്ള കറൻസികൾ ഉപയോഗിച്ച് കുറഞ്ഞത് 742,000 ടൺ റഷ്യൻ കൽക്കരിക്ക് പണം നൽകി. ഇത് ആ മാസത്തെ റഷ്യൻ ഇറക്കുമതിയുടെ 1.7 ദശലക്ഷം ടണ്ണിന്റെ 44 ശതമാനത്തിന് തുല്യമാണ്.
കഴിഞ്ഞ ആഴ്ചകളിൽ, ഇന്ത്യൻ സ്റ്റീൽ നിർമ്മാതാക്കളും സിമന്റ് നിർമ്മാതാക്കളും യുഎഇ ദിർഹം, ഹോങ്കോംഗ് ഡോളർ, ചൈനീസ് യുവാൻ, യൂറോ എന്നിവ ഉപയോഗിച്ച് റഷ്യൻ കൽക്കരി വാങ്ങിയിരുന്നു. കഴിഞ്ഞ മാസം റഷ്യൻ കൽക്കരിയുടെ ഡോളറല്ലാത്ത പേയ്മെന്റിന്റെ 31% ചൈനീസ് യുവാൻ ആയിരുന്നു. അതേസമയം ഹോങ്കോംഗ് ഡോളർ 28% ആണ്. വ്യാപാര സ്രോതസ്സിൽ നിന്നുള്ള ഡാറ്റ പ്രകാരം യൂറോ നാലിലൊന്നിൽ താഴെയും എമിറാത്തി ദിർഹം ആറിലൊന്ന് വരും.
അതേസമയം, കഴിഞ്ഞ മാസം, റിസർവ് ബാങ്ക് ഓഫ് ഇന്ത്യ ഇന്ത്യൻ രൂപയിൽ റഷ്യയിൽ നിന്നും ചരക്കുകൾക്കുള്ള പേയ്മെന്റിന് അംഗീകാരം നൽകി, ഈ നീക്കം റഷ്യയുമായുള്ള ഉഭയകക്ഷി വ്യാപാരം കൂടുതൽ വർദ്ധിപ്പിക്കുമെന്ന് ന്യൂഡൽഹി പ്രതീക്ഷിക്കുന്നു.
