2017 -ലെ നടിയെ ആക്രമിച്ച കേസിലെ വിധിയോട് പ്രതികരിച്ചു കൊണ്ട് മലയാളത്തിലെ പ്രശസ്ത നടൻ ദിലീപ്, ഇത് തനിക്കെതിരായ ഗൂഢാലോചന ആണെന്ന് പറഞ്ഞു.
“ഇത് എനിക്കെതിരെയുള്ള ഗൂഢാലോചന ആയിരുന്നു. എല്ലാ അഭിഭാഷകർക്കും സഹായിച്ച മറ്റെല്ലാവർക്കും ഞാൻ നന്ദി പറയുന്നു,” -കോടതിയിൽ ഹാജരായിരുന്ന ദിലീപ് മാധ്യമ പ്രവർത്തകരോട് പറഞ്ഞു.
2017ൽ കൊച്ചിയിൽ ഒരു ദക്ഷിണേന്ത്യൻ നടിയെ ലൈംഗികമായി പീഡിപ്പിച്ച കേസിൽ മലയാള നടൻ ദിലീപിനെ കേരള കോടതി തിങ്കളാഴ്ച കുറ്റവിമുക്തനാക്കി.
കുറ്റകൃത്യം നേരിട്ട് ചെയ്ത മുഖ്യപ്രതി സുനിൽ എൻഎസ് എന്ന പൾസർ സുനി ഉൾപ്പെടെ മറ്റ് ആറ് പേർ കുറ്റക്കാരാണെന്ന് കോടതി കണ്ടെത്തി. കേസിൽ ദിലീപിനെ കൂടാതെ മറ്റ് മൂന്ന് പേരെയും കോടതി വെറുതെ വിട്ടു.
തമിഴ്, തെലുങ്ക്, മലയാളം സിനിമകളിൽ പ്രവർത്തിച്ചിട്ടുള്ള നടിയുടെ കാർ രണ്ട് മണിക്കൂർ തട്ടിക്കൊണ്ട് പോയതിന് ശേഷം നടന്ന ആക്രമണം കേരള സമൂഹത്തിൻ്റെ മനസാക്ഷിയെ പിടിച്ചുലച്ചിരുന്നു.
