അലഹബാദ് ഹൈക്കോടതി ജഡ്‌ജി യശ്വന്ത് വർമ്മയെ നീക്കം ചെയ്യാനും തനിക്കെതിരായ അഴിമതി ആരോപണങ്ങൾ അന്വേഷിക്കുന്ന പാർലമെൻ്റെറി പാനലിൻ്റെ നിയമസാധുതക്കും വേണ്ടിയുള്ള പ്രമേയം സ്വീകരിക്കാനുള്ള ലോക്‌സഭാ സ്പീക്കറുടെ തീരുമാനത്തെ ചോദ്യം ചെയ്‌ത്‌ സമർപ്പിച്ച ഹർജി സുപ്രീം കോടതി വെള്ളിയാഴ്‌ച തള്ളി.
ജനുവരി 8ന് വർമ്മയുടെ ഹർജിയിൽ തീരുമാനം മാറ്റിവച്ച ജസ്റ്റിസുമാരായ ദീപങ്കർ ദത്ത, എസ്‌സി ശർമ്മ എന്നിവരടങ്ങിയ ബെഞ്ച് വിധി പ്രസ്‌താവിച്ചു.
ജനുവരി 8ന് സുപ്രീം കോടതി ചോദിച്ചത്, രാഷ്ട്രപതിയുടെ അഭാവത്തിൽ ഉപരാഷ്ട്രപതിക്ക് രാഷ്ട്രപതിയുടെ പ്രവർത്തനങ്ങൾ നിർവഹിക്കാൻ കഴിയുമെങ്കിൽ, ചെയർമാൻ്റെ അഭാവത്തിൽ രാജ്യസഭാ ഡെപ്യൂട്ടി ചെയർമാന് എന്തുകൊണ്ട് ചെയർമാൻ്റെ പ്രവർത്തനങ്ങൾ നിർവഹിക്കാൻ കഴിയില്ല എന്നാണ്.
രാജ്യസഭാ ഉപാധ്യക്ഷന് ഒരു പ്രമേയം തള്ളാൻ അധികാരമില്ലെന്നും 1968 ലെ ജഡ്‌ജിമാരുടെ (അന്വേഷണ) നിയമപ്രകാരം, ഒരു ജഡ്‌ജിക്കെതിരായ പ്രമേയം സ്വീകരിക്കാനോ നിരസിക്കാനോ സ്‌പീക്കറിനും ചെയർമാനും മാത്രമേ അധികാരമുള്ളൂവെന്നും ജസ്റ്റിസ് വർമ്മയ്ക്ക് വേണ്ടി സമർപ്പിച്ച സത്യവാങ്മൂലത്തോട് യോജിക്കാൻ വിസമ്മതിച്ച ബെഞ്ചാണ് ഈ പരാമർശങ്ങൾ നടത്തിയത്.
മാർച്ച് 14ന് ന്യൂഡൽഹിയിലെ ഔദ്യോഗിക വസതിയിൽ നിന്ന് കത്തിനശിച്ച കറൻസി നോട്ടുകൾ കണ്ടെത്തിയതിനെ തുടർന്ന് ജസ്റ്റിസ് വർമ്മയെ ഡൽഹി ഹൈക്കോടതിയിൽ നിന്ന് അലഹബാദ് ഹൈക്കോടതിയിലേക്ക് തിരിച്ചയച്ചു.
രാജ്യസഭയിൽ സമാനമായ ഒരു പ്രമേയം തള്ളിയതിനെത്തുടർന്ന്, വർമ്മക്കെതിരായ അഴിമതി ആരോപണങ്ങൾ അന്വേഷിക്കാൻ ലോക്‌സഭാ സ്പീക്കർ ഓം ബിർള ഒരു അന്വേഷണ സമിതി രൂപീകരിക്കുന്നതിന് ജഡ്‌ജിസ് അന്വേഷണ നിയമപ്രകാരം തടസമില്ലെന്ന് സുപ്രീം കോടതി നേരത്തെ വാക്കാൽ നിരീക്ഷിച്ചിരുന്നു.
അന്നത്തെ ചീഫ് ജസ്റ്റിസ് സഞ്ജീവ് ഖന്ന ആഭ്യന്തര അന്വേഷണം ആരംഭിക്കുകയും പഞ്ചാബ്, ഹരിയാന ഹൈക്കോടതി ചീഫ് ജസ്റ്റിസ് ഷീൽ നാഗു, ഹിമാചൽ പ്രദേശ് ഹൈക്കോടതി ചീഫ് ജസ്റ്റിസ് ജിഎസ്. സന്ധാവാലിയ, കർണാടക ഹൈക്കോടതി ജസ്റ്റിസ് അനു ശിവരാമൻ എന്നിവരടങ്ങുന്ന മൂന്നംഗ സമിതി രൂപീകരിക്കുകയും ചെയ്തു.
മെയ് 4ന് കമ്മിറ്റി സമർപ്പിച്ച റിപ്പോർട്ട്, ജസ്റ്റിസ് വർമ്മ മോശം പെരുമാറ്റത്തിന് കുറ്റക്കാരനാണെന്ന് കണ്ടെത്തി.
ജസ്റ്റിസ് വർമ്മ രാജിവയ്ക്കാൻ വിസമ്മതിച്ചതിനെത്തുടർന്ന്, അന്നത്തെ ചീഫ് ജസ്റ്റിസ് റിപ്പോർട്ടും ജഡ്‌ജിയുടെ പ്രതികരണവും രാഷ്ട്രപതിക്കും പ്രധാനമന്ത്രിക്കും അയച്ചു, ഇത് ഇംപീച്ച്‌മെന്റ് നടപടികൾക്ക് കളമൊരുക്കി.
തുടർന്ന്, ഓഗസ്റ്റ് 12 ന് ജസ്റ്റിസ് വർമ്മയെ നീക്കം ചെയ്യണമെന്ന് ആവശ്യപ്പെട്ട് ബഹുകക്ഷി പ്രമേയം ബിർള അംഗീകരിക്കുകയും സുപ്രീം കോടതി ജഡ്‌ജി ജസ്റ്റിസ് അരവിന്ദ് കുമാർ, മദ്രാസ് ഹൈക്കോടതി ചീഫ് ജസ്റ്റിസ് മനീന്ദ്ര മോഹൻ ശ്രീവാസ്തവ, മുതിർന്ന അഭിഭാഷകൻ ബി.വി. ആചാര്യ എന്നിവരടങ്ങുന്ന മൂന്നംഗ അന്വേഷണ സമിതി രൂപീകരിക്കുകയും ചെയ്തു.
സ്പീക്കറുടെ നടപടി, പ്രമേയം അംഗീകരിച്ചത്, അന്വേഷണ സമിതി പുറപ്പെടുവിച്ച എല്ലാ തുടർ നോട്ടീസുകളും റദ്ദാക്കണമെന്ന് ജസ്റ്റിസ് വർമ്മ ആവശ്യപ്പെട്ടു. മുഴുവൻ പ്രക്രിയയും ഭരണഘടനാ വിരുദ്ധമാണെന്നും ജഡ്‌ജിമാരുടെ (അന്വേഷണ) നിയമത്തിന് വിരുദ്ധമാണെന്നും അദ്ദേഹം വാദിച്ചു. -ഉറവിടം: പിടിഐ
