മഹാരാഷ്ട്രയിലെ മുംബൈ അന്താരാഷ്ട്ര വിമാനത്താവളം ഏറ്റെടുത്ത് ഗൗതം അദാനിയുടെ ഉടമസ്ഥതയിലുള്ള അദാനി എയര്പോര്ട്ട് ഹോള്ഡിങ്സ്.രാജ്യത്തെ ഏറ്റവും വലിയ വിമാനത്താവള നിര്മാണ നടത്തിപ്പ് കമ്പനിയായ ജി.വി.കെ ഗ്രൂപ്പില് നിന്നാണ് അദാനി പോര്ട്ട് വിമാനത്താവളം ഏറ്റെടുത്തത്.
ഇന്നലെ മുംബൈ അന്താരാഷ്ട്ര വിമാനത്താവള ബോര്ഡ് മീറ്റിങ്ങിന് ശേഷമായിരുന്നു വിമാനത്താവളം ഏറ്റെടുക്കല്.നേരത്തെ തന്നെ കേന്ദ്രസര്ക്കാര്, മഹാരാഷ്ട്ര സര്ക്കാര്, മഹാരാഷ്ട്ര സിറ്റി ആന്ഡ് ഇന്ഡസ്ട്രിയല് ഡെവലപ്മെന്റ് കോര്പറേഷന് (സിഡ്കോ) എന്നിവയുടെ അനുമതികള് ലഭിച്ചതിന് ശേഷമായിരുന്നു മിയാല് അദാനി പോര്ട്ട് ഏറ്റെടുക്കുന്നത്.
ഇപ്പോൾ മിയാല് കൂടി ഏറ്റെടുത്തതോടെ ഇന്ത്യയിലെ ഏറ്റവും വലിയ വിമാനത്താവള നടത്തിപ്പുകാര് എന്ന പദവി അദാനി എയര്പോര്ട്ട് ഹോള്ഡിങ്സിന് സ്വന്തമായി .നിലവിൽ ഡല്ഹി വിമാനത്താവളത്തിന് പുറമെ രാജ്യത്തെ ഏറ്റവും തിരക്കേറിയ വിമാനത്താവളങ്ങളിലൊന്നാണ് ഛത്രപതി ശിവാജി മഹാരാജ് അന്താരാഷ്ട്ര വിമാനത്താവളം.
