ഗൂഗിള് പ്ലേ സ്റ്റോറില് ലഭ്യമായ 15 വ്യാജ ലോണ് ആപ്പുകള് (SpyLoan Apps) ഉപഭോക്താക്കള്ക്ക് ഗുരുതരമായി ബാധകമാകുമെന്ന് സൈബര് സുരക്ഷാ കമ്പനി മക്കഫി മുന്നറിയിപ്പ് നല്കി. 80 ലക്ഷത്തിലേറെ പേര് ഡൗണ്ലോഡ് ചെയ്ത ആപ്പുകളാണ് മക്കഫി കണ്ടെത്തിയതെന്നും, ഉപഭോക്താക്കള് ഇവ നീക്കം ചെയ്യണമെന്ന് സൈബര് വിദഗ്ധര് ആവശ്യപ്പെടുന്നതായും രാജ്യാന്തര മാധ്യമമായ ഫോബ്സ് റിപ്പോര്ട്ട് ചെയ്യുന്നു.
ഇത് ആദ്യമായല്ല ലോണ് ആപ്പുകളുമായി ബന്ധപ്പെട്ട ചതികള് റിപ്പോര്ട്ട് ചെയ്യപ്പെടുന്നത്. “ഒറ്റ ക്ലിക്കില് ലക്ഷങ്ങള്” എന്ന വാഗ്ദാനവുമായി ഉപഭോക്താക്കളെ ആകര്ഷിക്കുന്ന ഈ ആപ്പുകള് നിരവധിപേരുടെ ജീവിതം ആഗോളതലത്തില് ദുരിതത്തിലാക്കുകയാണെന്ന് തെളിവുകള് സൂചിപ്പിക്കുന്നു.
മക്കഫി മൊബൈല് റിസര്ച്ച് ടീമിന്റെ പഠനപ്രകാരം, വ്യാജ ലോണ് ആപ്പുകള് ഉപഭോക്താക്കളില് നിന്ന് സങ്കീര്ണ ഡാറ്റ തട്ടിയെടുക്കുകയും, അനാവശ്യമായ അനുമതികള് ആവശ്യപ്പെട്ട് ആളുകളെ ചൂഷണം ചെയ്യുകയും ചെയ്യുന്നു. ആപ്പുകള് ഇന്സ്റ്റാള് ചെയ്ത ശേഷം ബാക്ക്എന്ഡ് സംവിധാനങ്ങളിലൂടെ ഉപഭോക്താക്കളുടെ സ്വകാര്യ വിവരങ്ങള് ചോര്ത്തുന്നതായി കണ്ടെത്തലുണ്ട്.
ഈ 15 SpyLoan ആപ്പുകള് ലോകത്തിന്റെ വിവിധ ഭാഗങ്ങളിലുള്ള ആന്ഡ്രോയിഡ് ഉപയോക്താക്കളെ ലക്ഷ്യമാക്കുന്നതായാണ് റിപ്പോര്ട്ട്. മിക്കവാറും ഉപഭോക്താക്കളുടെ അവഗണനയും, അതിവേഗ പണത്തിന്റെ മോഹവുമാണ് ചതിക്ക് വഴിയൊരുക്കുന്നത്. ചെറിയ തോതിലുള്ള രേഖകള് ആവശ്യപ്പെടുന്ന ഇത് പോലെ ഉള്ള ആപ്പുകള് പിന്നീട് ഭീഷണിപ്പെടുത്തലുകള്ക്ക് വഴിതെളിക്കുന്നു.
മക്കഫി പരിശോധിച്ച 15 SpyLoan ആപ്പുകള് പലയിടത്തും ഉപയോക്താക്കളെ ചൂഷണം ചെയ്തിട്ടുണ്ടെന്ന് കണ്ടെത്തിയിട്ടുണ്ട്. ഇവയില് ചിലത് ഇപ്പോഴത്തെ ഗൂഗിള് പ്ലേ സ്റ്റോറില് നിന്നും നീക്കം ചെയ്തതായും ഫോബ്സ് റിപ്പോര്ട്ട് ചെയ്യുന്നു.
ഉപഭോക്താക്കള്ക്ക് മുന്നറിയിപ്പ്
•നിങ്ങളുടെ ഫോണില് ചൂണ്ടിക്കാണിക്കുന്ന ഈ രീതിയിലുള്ള ആപ്പുകള് ഇന്സ്റ്റാള് ചെയ്തിട്ടുണ്ടോ എന്ന് പരിശോധിക്കുക.
•അത്തരം ആപ്പുകള് ഉടന് ഡിലീറ്റ് ചെയ്യുക.
•വ്യക്തിഗത ഡാറ്റ ദുരുപയോഗം ചെയ്യപ്പെടാതിരിക്കാനുള്ള മുന്കരുതലുകള് സ്വീകരിക്കുക.
ആഗോള തലത്തില് വ്യാപകമാകുന്ന SpyLoan ആപ്പുകളുടെ ഭീഷണി ഇന്ത്യന് ഉപഭോക്താക്കളേയും, പ്രത്യേകിച്ച് കേരളത്തിലും, ബാധിച്ചതായി റിപ്പോര്ട്ടുകളുണ്ട്. അതിനാല്, പൊതുജനങ്ങള് കൃത്യമായ ജാഗ്രത പാലിക്കണമെന്നും സൈബര് സുരക്ഷാ വിദഗ്ധര് മുന്നറിയിപ്പ് നല്കുന്നുണ്ട്.
