15 March 2025

‘ലോക ഉറക്ക ദിനം’; സുഖമായി ഉറങ്ങിക്കോളൂ, എന്നാൽ ഇവയൊക്കെ ശ്രദ്ധിക്കണം

ശരിയായ ഉറക്കം ലഭിക്കാത്തത് ശരീരത്തിനെയും മനസിനെയും ബാധിക്കുകയും രോഗിയാക്കി മാറ്റുകയും ചെയ്യും

മാർച്ച് 14 ലോക ഉറക്ക ദിനമായി ആചരിക്കുന്നു. ഉറക്കത്തിൻ്റെ പ്രാധാന്യത്തെ കുറിച്ചുള്ള ഒരു ഓർമ്മപ്പെടുത്തൽ കൂടിയാണ് ഈ ദിനം. നല്ല ഉറക്കം ആഗ്രഹിക്കാത്തവർ ആരാണ്? ആരോഗ്യമുള്ള ഭക്ഷണം കഴിക്കുന്നത് പോലെ പ്രധാനമാണ് മെച്ചപ്പെട്ട ഉറക്കവും. പലരും നേരിടുന്ന പ്രശ്‌നമാണ് ഉറക്കമില്ലായ്‌മ എന്നത്.

നിരവധി പേരാണ് ഇതിനായി ചികിത്സ തേടുന്നത്. ഇതിൽ കൂടുതലും യുവാക്കളാണെന്നത് ഏറെ ശ്രദ്ധേയമാണ്. ശരിയായ ഉറക്കം ലഭിക്കാത്തത് ശരീരത്തിനെയും മനസിനെയും ബാധിക്കുകയും രോഗിയാക്കി മാറ്റുകയും ചെയ്യും.

രാത്രി സമയങ്ങളിൽ മൊബൈൽ ഫോൺ, ലാപ്ടോപ്പ് എന്നിവ ഉപയോഗിക്കുന്നവരാണ് പലരും. എന്നാൽ ഈ സ്‌ക്രീനുകളിൽ നിന്ന് വരുന്ന വെളിച്ചം ഉറക്കത്തെ തടസപ്പെടുത്തുന്നതിന് കാരണമാകും. കൂടാതെ സമ്മർദ്ദം, വിഷാദം, ഉത്കണ്ഠ, കഫീൻ്റെ ഉപയോഗം, പുകവലി, മദ്യപാനം എന്നിവയെല്ലാം ഉറക്കം നഷ്‌ടപ്പെടുത്തും. അതിനാൽ പകൽ സമയങ്ങളിൽ ക്ഷീണം അനുഭവപ്പെടുകയും രോഗങ്ങൾ ഉണ്ടാകാനുള്ള സാധ്യത വർധിക്കുകയും ചെയ്യും.

ഉറക്കത്തിൻ്റെ കാര്യത്തിൽ അധികം ആരും ശ്രദ്ധിക്കാത്ത ഒരു രോഗാവസ്ഥയാണ് ഒബ്‌സ്ട്രക്റ്റീവ് സ്ലീപ് അപ്‌നിയ (OSA). ഉറങ്ങുമ്പോൾ ശ്വസന തടസം അനുഭവപ്പെടുകയും ഉറക്കത്തിൽ നിന്ന് അതിവേഗം ഉണരുകയും ചെയുന്ന ഈ രോഗാവസ്ഥയിൽ ശ്വസനം പഴയ നിലയിലേക്ക് എത്താനായി എടുക്കുന്ന സമയം ഉറക്കം പൂർണമായും നഷ്‌ടപ്പെടും. ഇത് രക്തസമ്മർദ്ദം, ഹൃദ്രോഗം, പ്രമേഹം, അകാല മരണം എന്നിവക്ക് കാരണമാകും.

“വിദേശ രാജ്യങ്ങളിൽ OSA ഉണ്ടാകാനുള്ള കാരണം അമിത വണ്ണമാണെന്നാണ് പഠനങ്ങൾ പറയുന്നത്. എന്നാൽ ഇന്ത്യയിൽ വണ്ണമില്ലാത്തവരിൽ പോലും ഈ രോഗം സ്ഥിരീകരിച്ചിട്ടുണ്ട്. അനാരോഗ്യകരമായ ജീവിത ശൈലിയാണ് ഉറക്ക സംബന്ധമായ ഇത്തരം രോഗങ്ങൾക്ക് കാരണം,” -കൊൽക്കത്തയിലെ സിഎംആർഐ ആശുപത്രിയിലെ കൺസൾട്ടന്റ് പൾമണോളജിസ്റ്റായ ഡോ. അരൂപ് ഹാൽഡറിൽ പറയുന്നത്.

മെച്ചപ്പെട്ട ഉറക്കം ലഭിക്കാനായി ഇക്കാര്യങ്ങൾ

എല്ലാ ദിവസവും ഒരേ സമയത്ത് തന്നെ ഉറങ്ങാൻ ശ്രമിക്കുക. കൃത്യമായ സമയക്രമം ഇതിനായി പാലിക്കേണ്ടതാണ്. അവധി ദിവസമാണെന്ന് കരുതി വൈകി ഉറങ്ങുന്നതും ഉണരുന്നതും ഉറക്കത്തെ പ്രതികൂലമായി ബാധിക്കും.

സ്‌മാർട്ട്‌ ഫോണുകൾ, ടാബ്‌ലെറ്റുകൾ, കമ്പ്യൂട്ടറുകൾ എന്നിവയിൽ നിന്ന് പുറപ്പെടുന്ന നീല വെളിച്ചം ഉറക്ക ഹോർമോണായ മെലറ്റോണിൻ ഉൽപാദനത്തെ തടയുന്നു. ഉറങ്ങുന്നതിന് ഒരു മണിക്കൂർ മുമ്പെങ്കിലും സ്‌ക്രീൻ ഉപയോഗിക്കുന്നത് ഒഴിവാക്കേണ്ടതാണ് ഇങ്ങനെ ചെയ്യുന്നതിലൂടെ തലച്ചോറിന് സ്വാഭാവിക വിശ്രമം ലഭിക്കും.

കഫീൻ, നിക്കോട്ടിൻ അടങ്ങിയ വസ്‌തുക്കൾ രാത്രിയിൽ ഒഴിവാക്കേണ്ടതാണ് ഇത് ഉറക്കം നഷ്‌ടപ്പെടുന്നതിന് കാരണമാകാം. ഉറങ്ങുന്നതിന് മുമ്പായി മെഡിറ്റേഷൻ, യോഗ, തുടങ്ങിയ വ്യായാമങ്ങൾ ചെയ്യുന്നത് ഉറക്കത്തിനെ ദോഷകരമായി ബാധിക്കുന്ന സമ്മർദ്ദവും, ഉത്കണ്ഠയും തടയാൻ സഹായിക്കും.

രാത്രിയിൽ അമിത ഭക്ഷണം കഴിക്കുന്നത് ഒഴിവാക്കി പകരം പോഷകങ്ങൾ നിറഞ്ഞ വളരെ ലഘുവായ ഭക്ഷണം മാത്രം കഴിക്കുക. ഇത് ദഹനം മെച്ചപ്പെടുത്താനും മികച്ച ഉറക്കം ലഭിക്കാനും സഹായിക്കും. അതുപോലെ തന്നെ ശരീരത്തിലെ ജലാംശം നിലനിർത്താനും ശ്രദ്ധിക്കേണ്ടതാണ് .

പതിവായി വ്യായാമം ചെയ്യുന്നത് ഉറക്കം മെച്ചപ്പെടുത്താൻ ഏറെ ഗുണം ചെയ്യും. രാവിലെ ജിമ്മിൽ പോകുന്നത്, നടത്തം, യോഗ, തുടങ്ങിയ ശരീരത്തിന് ഊർജം നൽകുന്നു. ഇത് മാനസികാരോഗ്യം വർധിക്കാനും മികച്ച ഉറക്കം ലഭിക്കാനും സഹായിക്കും.

ആരോഗ്യ സംരക്ഷണം എത്ര പ്രധാനമാണോ അതുപോലെ തന്നെയാണ് നല്ല ഉറക്കവും. കഠിനമായ തലവേദന, ഉച്ചത്തിലുള്ള കൂർക്കം വലി, പകൽ സമയത്തുള്ള ക്ഷീണം, ശ്രദ്ധ കേന്ദ്രികരിക്കാൻ സാധിക്കാത്തത് തുടങ്ങിയ ലക്ഷണങ്ങൾ നിസാരമായി കാണരുത്. ഉറക്കത്തെ ബാധിക്കുന്ന തരത്തിൽ സങ്കീർണമായി ഇവ മാറുകയാണെങ്കിൽ വിദഗ്‌ദ ഡോക്‌ടർമാരുടെ സഹായം തേടാവുന്നതാണ്.

ImageCourtesy:Pixabay

Share

More Stories

‘നിങ്ങളുടെ ഹിന്ദി ഞങ്ങളുടെ മേൽ അടിച്ചേൽപ്പിക്കരുത്’ എന്ന് പറയുന്നത് മറ്റൊരു ഭാഷയെ വെറുക്കുന്നതിന് തുല്യമല്ല: പ്രകാശ്‌രാജ്

0
ആന്ധ്രാപ്രദേശ് ഉപമുഖ്യമന്ത്രിയും ജനസേന പാർട്ടി മേധാവിയുമായ പവൻ കല്യാണിന്റെ ഹിന്ദി ഭാഷയെക്കുറിച്ചുള്ള സമീപകാല പരാമർശങ്ങൾക്ക് നടനും രാഷ്ട്രീയക്കാരനുമായ പ്രകാശ് രാജ് മറുപടി നൽകി. ഹിന്ദി സംസാരിക്കാത്ത സംസ്ഥാനങ്ങളിൽ കേന്ദ്രസർക്കാർ ഹിന്ദി അടിച്ചേൽപ്പിക്കുകയാണെന്ന ആരോപണത്തെത്തുടർന്ന്...

തിരുപ്പൂർ പവർലൂം നെയ്ത്തുകാർ അനിശ്ചിതകാല പണിമുടക്ക് ആരംഭിക്കുന്നു

0
ഒന്നര ലക്ഷം അംഗങ്ങളെ പ്രതിനിധീകരിക്കുന്ന തിരുപ്പൂർ ജില്ലാ ജോബ്-വർക്കിംഗ് പവർലൂം വീവേഴ്‌സ് അസോസിയേഷൻ, വേതന വർദ്ധനവ് ആവശ്യപ്പെട്ട് മാർച്ച് 19 മുതൽ അനിശ്ചിതകാല പണിമുടക്ക് പ്രഖ്യാപിച്ചു. വർദ്ധിച്ചുവരുന്ന ചെലവുകൾക്ക് മറുപടിയായി തുണി നിർമ്മാതാക്കൾ...

ജനുവരിയിൽ യുകെ സമ്പദ്‌വ്യവസ്ഥ അപ്രതീക്ഷിതമായി 0.1% ചുരുങ്ങി

0
വെള്ളിയാഴ്ച പുറത്തുവിട്ട ഔദ്യോഗിക കണക്കുകൾ പ്രകാരം , ജനുവരിയിൽ യുകെയുടെ സമ്പദ്‌വ്യവസ്ഥ അപ്രതീക്ഷിതമായി പ്രതിമാസം 0.1% ചുരുങ്ങി . ഉൽപ്പാദന മേഖലയിലെ സങ്കോചമാണ് പ്രധാനമായും ഇടിവിന് കാരണമെന്ന് ബ്രിട്ടന്റെ ഓഫീസ് ഫോർ നാഷണൽ...

അധ്യാപകർ ചെറിയ ശിക്ഷകള്‍ നല്‍കിയാല്‍ കേസെടുക്കരുത്: ഹൈക്കോടതി

0
വിദ്യാർത്ഥികളെ ഉപദേശിച്ചതിന്‍റെ പേരിലോ ചെറിയ ശിക്ഷ നൽകുന്നതിന്‍റെ പേരിലോ അധ്യാപകർ കേസ് നേരിടേണ്ടി വരുമെന്ന സ്ഥിതി പാടില്ലെന്ന് ഹൈക്കോടതി. വിദ്യാർഥിയുമായി ബന്ധപ്പെട്ട് അധ്യാപകനെതിരെ സ്കൂളിൽ പരാതി ലഭിച്ചാൽ അന്വേഷണ ഉദ്യോഗസ്ഥൻ 14 ദിവസത്തിനുള്ളിൽ...

2025 ൽ കാനിൽ അരങ്ങേറ്റം കുറിക്കാൻ ആലിയ ഭട്ട്

0
2024 ലെ മെറ്റ് ഗാലയിലെ ശ്രദ്ധേയമായ അരങ്ങേറ്റത്തിന് ശേഷം, ബോളിവുഡ് താരം ആലിയ ഭട്ട് ഇപ്പോൾ ആഗോള വേദിയിൽ മറ്റൊരു പ്രധാന നിമിഷത്തിനായി ഒരുങ്ങുകയാണ്. 2025 ലെ കാൻ ഫിലിം ഫെസ്റ്റിവലിൽ ആലിയ...

അംഗൻവാടികളിൽ ചേരുന്ന കുട്ടികളിലെ പോഷകാഹാരക്കുറവ് ; ആശങ്കാജനകമായ സർക്കാർ കണക്കുകൾ

0
കുട്ടികളുടെ ആരോഗ്യം മെച്ചപ്പെടുത്തുന്നതിനുള്ള ശ്രമങ്ങൾ തുടരുന്നുണ്ടെങ്കിലും, അംഗൻവാടികളിൽ ചേരുന്ന കുട്ടികളിലെ പോഷകാഹാരക്കുറവിന്റെ ആശങ്കാജനകമായ ഒരു ചിത്രം സർക്കാർ ഡാറ്റ വെളിപ്പെടുത്തുന്നു. പോഷാൻ ട്രാക്കർ ഡാറ്റ പ്രകാരം, അംഗൻവാടികളിൽ ചേരുന്ന കുട്ടികളിൽ 37.7% പേർ...

Featured

More News