3 November 2026
Home News Kerala ഐഎഎസ് അഴിച്ചുപണി; ശ്രീറാം വെങ്കിട്ടരാമൻ വനം വകുപ്പിലേക്ക്

ഐഎഎസ് അഴിച്ചുപണി; ശ്രീറാം വെങ്കിട്ടരാമൻ വനം വകുപ്പിലേക്ക്

36 ഐഎഎസ് ഉദ്യോഗസ്ഥരെയാണ് വിവിധ വകുപ്പുകളിലേക്ക് മാറ്റി നിയമിച്ചിരിക്കുന്നത്

310

കേരളത്തിൽ വൻ ഐഎഎസ് അഴിച്ചുപണി നടത്തി സർക്കാർ ഉത്തരവിറങ്ങി. ആകെ 36 ഐഎഎസ് ഉദ്യോഗസ്ഥരെയാണ് വിവിധ വകുപ്പുകളിലേക്ക് മാറ്റി നിയമിച്ചിരിക്കുന്നത്. തലപ്പത്തെ പ്രധാന മാറ്റങ്ങളുടെ വിവരങ്ങൾ താഴെ പറയുന്നവയാണ്:

  • ശ്രീറാം വെങ്കിട്ടരാമൻ ഐഎഎസ്: വനം- വന്യജീവി വകുപ്പ് ജോയിന്റ് സെക്രട്ടറിയും ഓഫീസർ ഓൺ സ്പെഷ്യൽ ഡ്യൂട്ടിയുമായി (OSD) നിയമിച്ചു.
  • അഞ്ജു കെ.എസ്: തിരുവനന്തപുരം പുതിയ ജില്ലാ കളക്ടർ.
  • അനു കുമാരി ഐഎഎസ്: തിരുവനന്തപുരം കളക്ടർ സ്ഥാനത്ത് നിന്ന് ജിഎസ്ടി സ്പെഷ്യൽ കമ്മീഷണറായി മാറ്റി നിയമിച്ചു.
  • അരുൺ കെ. വിജയൻ ഐഎഎസ്: പുതിയ പൊതുവിദ്യാഭ്യാസ ഡയറക്ടർ.
  • സ്നേഹിൽ കുമാർ സിങ് ഐഎഎസ്: വ്യവസായ- വാണിജ്യ വകുപ്പ് ഡയറക്ടർ (മുൻ പൊതുവിദ്യാഭ്യാസ ഡയറക്ടർ).
  • കെ. ഇമ്പശേഖർ ഐഎഎസ്: പുതിയ സംസ്ഥാന ലോട്ടറീസ് ഡയറക്ടർ.
  • ശ്രീധന്യ സുരേഷ് ഐഎഎസ്: കാസർഗോഡ് ജില്ലാ കലക്ടർ (മുൻ ഭക്ഷ്യസുരക്ഷാ കമ്മീഷണർ).
  • അനു എസ്. നായർ ഐഎഎസ്: പുതിയ ഭക്ഷ്യസുരക്ഷാ കമ്മീഷണർ.
  • ഡോ. ബിനു ഫ്രാൻസിസ് ഐഎഎസ്: പട്ടികവർഗ വികസന വകുപ്പ് ഡയറക്ടർ.
  • ഡോ. ഹരികുമാർ കെ. ഐഎഎസ്: പുതിയ സിവിൽ സപ്ലൈസ് ആൻഡ് കൺസ്യൂമർ അഫയേഴ്സ് കമ്മീഷണർ.
  • ദിലീപ് കെ. കൈന്നിക്കര ഐഎഎസ്: ശബരിമല മണ്ഡല- മകരവിളക്ക് തീർഥാടനവുമായി ബന്ധപ്പെട്ട് പുതുതായി സൃഷ്ടിച്ച അഡീഷണൽ ജില്ലാ മജിസ്ട്രേറ്റിന്റെ എക്സ്കാഡർ തസ്തികയിൽ നിയമിച്ചു.