വയനാട് ഉരുള്പൊട്ടലുമായി ബന്ധപ്പെട്ട് കേന്ദ്ര ആഭ്യന്തര മന്ത്രി അമിത് ഷാ പറഞ്ഞത് ശുദ്ധനുണയെന്ന്
കേരളാ മുഖ്യമന്ത്രി പിണറായി വിജയന്. കൃത്യമായ കണക്കുകള് കൊടുത്തതാണ്. എന്നാല് കണക്ക് കൊടുക്കാതെ മറ്റ് സംസ്ഥാനങ്ങള്ക്ക് കേന്ദ്രം സഹായം നല്കിയെന്നും മുഖ്യമന്ത്രി ചൂണ്ടിക്കാട്ടി.
കേന്ദ്രം ഭരിയ്ക്കുന്ന ബിജെപിയെ കേരളം അംഗീകരിക്കാത്തതാണ് ഇത്തരത്തിലുള്ള പകയ്ക്ക് കാരണം. കേന്ദ്രസർക്കാർ സഹായം നല്കിയില്ലെങ്കിലും ദുരന്തബാധിതരെ അന്തസ്സോടെ പുനരധിവസിപ്പിക്കുമെന്നും ടൗണ്ഷിപ്പ് നടപ്പാക്കുമെന്നും മുഖ്യമന്ത്രി പറഞ്ഞു .
സംസ്ഥാനത്തിന് 2018 ലെ മാതൃക മുന്നിലുണ്ടെന്നും മുഖ്യമന്ത്രി ചൂണ്ടിക്കാട്ടി. സാമൂഹിക ക്ഷേമ പെന്ഷന് 1600 രൂപയില് നിന്നും ഉയര്ത്തണമെന്നാണ് എല്ഡിഎഫ് കണക്കാക്കുന്നതെന്നും ക്ഷേമ പെന്ഷന് പ്രതിമാസം വിതരണം ചെയ്യാനാണ് ശ്രമമെന്നും മുഖ്യമന്ത്രി വ്യക്തമാക്കി. സിപിഎം പത്തനംതിട്ട ജില്ല സമ്മേളനത്തില് സംസാരിക്കുകയായിരുന്നു മുഖ്യമന്ത്രി.
