Warning: Cannot modify header information - headers already sent in /home1/nalamida/public_html/wp-content/plugins/gtranslate/gtranslate.php on line 90
ലോകത്തിൽ ആദ്യം; ലൈംഗിക തൊഴിലാളികൾക്ക് പെൻഷനും പ്രസവാവധിയും മറ്റ് പരിരക്ഷകളും ഉറപ്പാക്കി ബെൽജിയം | Nalamidam
30 October 2026
Home News International ലോകത്തിൽ ആദ്യം; ലൈംഗിക തൊഴിലാളികൾക്ക് പെൻഷനും പ്രസവാവധിയും മറ്റ് പരിരക്ഷകളും ഉറപ്പാക്കി ബെൽജിയം

ലോകത്തിൽ ആദ്യം; ലൈംഗിക തൊഴിലാളികൾക്ക് പെൻഷനും പ്രസവാവധിയും മറ്റ് പരിരക്ഷകളും ഉറപ്പാക്കി ബെൽജിയം

പുതിയ നിയമത്തിലൂടെ ഔദ്യോഗിക തൊഴിൽ കരാറുകൾ, ആരോഗ്യ ഇൻഷുറൻസ്, പെൻഷനുകൾ, പ്രസവാവധി, അസുഖ ദിനങ്ങൾ തുടങ്ങിയ ആനുകൂല്യങ്ങൾ ലൈംഗിക തൊഴിലാളികൾക്ക് ഉറപ്പാക്കും.

284

ലൈംഗിക തൊഴിലാളികളുടെ അവകാശങ്ങൾ എല്ലാം അംഗീകരിക്കുകയും അവർക്ക് മറ്റുള്ള ഏതൊരു ജോലിയും പോലെ പരിഗണന നൽകുകയും ചെയ്യുന്ന പുതിയ നിയമവുമായി ബെൽജിയം. ഇതോടുകൂടി ലൈംഗിക തൊഴിലാളികൾക്ക് നിയമം വഴി ആനുകൂല്യങ്ങള്‍ ഉറപ്പാക്കുന്ന ആദ്യ രാജ്യമെന്ന ചരിത്രനേട്ടവും
അവർ സ്വന്തമാക്കി.

2022ൽ ലൈംഗിക തൊഴിൽ രാജ്യത്ത് കുറ്റകൃത്യമല്ലാതാക്കുന്ന നിയമം ബെൽജിയം പാസാക്കിയിരുന്നു.ജർമനി, ഗ്രീസ്, നെതർലൻഡ്, തുർക്കി എന്നീ യൂറോപ്യൻ രാജ്യങ്ങളിലും സമാനമായ നിയമമുണ്ട്. എന്നാൽ ലൈംഗിക തൊഴിൽ നിയമങ്ങള്‍ നടപ്പിലാക്കുന്ന ആദ്യ രാജ്യമായി ബെൽജിയം മാറി.

പുതിയ നിയമത്തിലൂടെ ഔദ്യോഗിക തൊഴിൽ കരാറുകൾ, ആരോഗ്യ ഇൻഷുറൻസ്, പെൻഷനുകൾ, പ്രസവാവധി, അസുഖ ദിനങ്ങൾ തുടങ്ങിയ ആനുകൂല്യങ്ങൾ ലൈംഗിക തൊഴിലാളികൾക്ക് ഉറപ്പാക്കും. വിപ്ലവകരമായ തീരുമാനമാണ് ഇതെന്ന് ലൈംഗിക തൊഴിലാളികളുടെ അവകാശത്തിനുവേണ്ടി പ്രവർത്തിക്കുന്ന സംഘടനകൾ പറഞ്ഞു.