കോണ്ഫിഡന്റ് ഗ്രൂപ്പ് ഉടമ സിജെ റോയിയുടെ മരണത്തിൽ കേസെടുത്ത് പൊലീസ്. അശോക് നഗർ പൊലീസാണ് കേസെടുത്തത്. കേരളത്തിൽ നിന്നുള്ള ആദായനികുതി വകുപ്പ് ഉദ്യോഗസ്ഥരാണ് റെയ്ഡിന് എത്തിയതെന്ന് പൊലീസ് അറിയിച്ചു.
സിജെ റോയിയെ മരിച്ച നിലയിൽ കണ്ടെത്തിയ സ്ഥലം സന്ദർശിച്ച ശേഷം ബെംഗളൂരു സിറ്റി പോലീസ് കമ്മീഷണർ സീമന്ത് കുമാർ സിംഗ് പറഞ്ഞു: “ഇന്ന്, അശോക് നഗർ പോലീസ് സ്റ്റേഷൻ പരിധിയിൽ, കോൺഫിഡന്റ് ഗ്രൂപ്പിൻ്റെ ചെയർമാനും സ്ഥാപകനുമായ അദ്ദേഹം സ്വയം വെടിവച്ചതായി പ്രാഥമിക റിപ്പോർട്ടുകൾ പറയുന്നു. സോകോ സംഘവും ബാലിസ്റ്റിക് സംഘവും സ്ഥലത്തെത്തി. ഞങ്ങൾ സംഭവത്തെക്കുറിച്ച് അന്വേഷിക്കുകയും കേസ് എടുക്കുകയും ചെയ്തു. പരിക്കേറ്റ വ്യക്തിയെ അടുത്തുള്ള ആശുപത്രിയിലേക്ക് മാറ്റി, അവിടെ അദ്ദേഹം മരിച്ചതായി പ്രഖ്യാപിച്ചു.
കഴിഞ്ഞ രണ്ടോ മൂന്നോ ദിവസമായി, ആദായനികുതി സംഘം ഈ സ്ഥലങ്ങളിൽ തിരച്ചിൽ നടത്തുകയാണെന്ന് റിപ്പോർട്ടുകൾ സൂചിപ്പിക്കുന്നു. എന്നിരുന്നാലും, ഈ ഘട്ടത്തിൽ എല്ലാ വിശദാംശങ്ങളും ഞങ്ങൾക്ക് അറിയില്ല. സംഘം കേരളത്തിൽ നിന്നാണ് വന്നത്, നടന്ന സംഭവം ഞങ്ങൾ ഇതുവരെ അന്വേഷിക്കേണ്ട കാര്യമാണ്. പരാതി തയ്യാറാക്കി കൊണ്ടിരിക്കുന്നതിനാൽ ഞങ്ങൾ ഇതുവരെ അന്വേഷണം ആരംഭിച്ചിട്ടില്ല. നിലവിൽ ഇന്ത്യക്ക് പുറത്തുള്ള റോയിയുടെ കുടുംബാംഗങ്ങളുമായി പോലീസ് ബന്ധപ്പെട്ടിട്ടുണ്ട്. രാത്രി വിമാനത്തിൽ എത്തും. അവർ എത്തിക്കഴിഞ്ഞാൽ, കൂടുതൽ വിവരങ്ങൾ ഞങ്ങൾക്ക് അറിയാൻ കഴിയും.” സിറ്റി പോലീസ് കമ്മീഷണർ പറഞ്ഞു.
ഉദ്യോഗസ്ഥരിൽ നിന്ന് വിശദമായി മൊഴിയെടുക്കുമെന്നും ബെംഗളൂരു പൊലീസ് കമ്മീഷണർ സീമന്ത് കുമാർ വ്യക്തമാക്കി. പരിശോധന നടത്തിയ ഐടി ഉദ്യോഗസ്ഥരെ ചോദ്യം ചെയ്തിരുന്നു. വെള്ളിയാഴ്ച വൈകിട്ട് മൂന്നിനും 3.15നും ഇടയിലാണ് സിജെ റോയിയുടെ മരണ വിവരം സ്റ്റേഷനിൽ അറിഞ്ഞതെന്നും കമ്മീഷണർ അറിയിച്ചു.
സിജെ റോയിയുടെ മരണത്തില് ആദായനികുതി വകുപ്പിനെതിരെ ഗുരുത ആരോപണവുമായി കുടുംബം രംഗത്ത് എത്തിയിരുന്നു. ആദായനികുതി വകുപ്പ് ഉദ്യോഗസ്ഥരുടെ മാനസിക പീഡനത്തെ തുടര്ന്നാണ് റോയ് ജീവനൊടുക്കിയതെന്ന് റോയ്യുടെ സഹോദരന് ആരോപിച്ചിരുന്നു.
