കേരളത്തിൽ ഓണ്ലൈനിലൂടെ മദ്യം വിൽക്കുന്നതിനുള്ള തീരുമാനവുമായി ബെവ്കോ രംഗത്തെത്തി . ഇതുസംബന്ധിച്ച ശുപാര്ശ ബെവ്കോ എംഡി ഹര്ഷിത അട്ടല്ലൂരി സര്ക്കാരിന് സമര്പ്പിച്ചു എന്നാണ് ലഭിക്കുന്ന വിവരം. ഇതോടൊപ്പം ഓണ്ലൈൻ മദ്യവിൽപ്പനയ്ക്കായി ബെവ്കോ മൊബൈൽ ആപ്ലിക്കേഷനും തയ്യാറാക്കി കഴിഞ്ഞു .
സ്വിഗ്ഗി ഉൾപ്പെടെയുള്ള ഓണ്ലൈൻ ഡെലിവറി പ്ലാറ്റ്ഫോമുകള് താത്പര്യം അറിയിച്ച് മുന്നോട്ടുവന്നിട്ടുണ്ടെന്നാണ് ബെവ്കോ എംഡി ഹര്ഷിത അട്ടല്ലൂരി വ്യക്തമാക്കുന്നത്. മൂന്നുവര്ഷം മുമ്പും സര്ക്കാരിനോട് ഓണ്ലൈൻ മദ്യവിൽപ്പനയ്ക്ക് അനുമതി തേടിയിരുന്നു. എന്നാൽ, സര്ക്കാര് അനുമതി നൽകിയിരുന്നില്ല. പദ്ധതിയിലൂടെ 23വയസിന് മുകളിലുള്ളവര്ക്കായിരിക്കും ഓണ്ലൈനിൽ മദ്യം വാങ്ങാൻ കഴിയുക.
- Advertisement -
