ബിജെപിക്കെതിരെ പ്രതിപക്ഷ പാർട്ടികൾ ഒന്നിച്ച് പ്രവർത്തിക്കണമെന്ന് തൃണമൂൽ കോൺഗ്രസ്മേ ധാവിയും പശ്ചിമ ബംഗാൾ മുഖ്യമന്ത്രിയുമായ മമത ബാനർജി ആഹ്വാനം ചെയ്തു. അ ബംഗാൾ നിയമസഭാ തെരഞ്ഞെടുപ്പിൽ ബിജെപി വലിയ വിജയം നേടി പുതിയ സർക്കാർ രൂപീകരിച്ചതിന് പിന്നാലെയാണ് അവരുടെ പ്രതികരണം. ബിജെപിയെ എതിർക്കുന്ന എല്ലാ രാഷ്ട്രീയ പാർട്ടികളും, ഇടതുപക്ഷവും കോൺഗ്രസും ഉൾപ്പെടെ, ഒരേ നിലപാടിൽ എത്തി പ്രവർത്തിക്കണമെന്ന് മമത ബാനർജി നിർദ്ദേശിച്ചു.
വിദ്യാർത്ഥി യൂണിയനുകളും എൻജിഒകളും ഉൾപ്പെടെയുള്ള സാമൂഹിക സംഘടനകളും ഈ നിലപാടിനെ പിന്തുണയ്ക്കണമെന്ന് അവർ ആവശ്യപ്പെട്ടു. “ശത്രുവിന്റെ ശത്രു സുഹൃത്താണ് എന്ന നിലപാട് ഇപ്പോഴത്തെ സാഹചര്യത്തിൽ ശരിയല്ല. നമ്മുടെ പ്രധാന എതിരാളി ബിജെപിയാണ്,” എന്ന് മമത ബാനർജി പറഞ്ഞു. ബിജെപി പോലുള്ള ശക്തികൾ സംസ്ഥാന രാഷ്ട്രീയത്തിൽ സ്വാധീനം ചെലുത്തുന്നതിനെതിരെ ജാഗ്രത ആവശ്യമാണ് എന്നും അവർ അഭിപ്രായപ്പെട്ടു.
തന്റെ പാർട്ടി പ്രവർത്തകർ ആക്രമിക്കപ്പെടുന്നതിൽ ആശങ്ക പ്രകടിപ്പിച്ച മമത, തെരഞ്ഞെടുപ്പിന് ശേഷം വിവിധ രാഷ്ട്രീയ നേതാക്കൾ തന്നോട് സംസാരിച്ചതായും വെളിപ്പെടുത്തി. എന്നാൽ സഹതാപം അല്ല, രാഷ്ട്രീയ പോരാട്ടമാണ് പ്രധാനമെന്നും അവർ പറഞ്ഞു. നിയമസഭാ തെരഞ്ഞെടുപ്പിൽ തൃണമൂൽ കോൺഗ്രസിനെതിരെ അന്യായമായ രീതികൾ ഉണ്ടായതായി അവർ ആരോപിച്ചു. രാഷ്ട്രീയ ഭാവി തീരുമാനിക്കുക ജനങ്ങളാണെന്നും, “ആരാണ് വിജയിക്കുക എന്നത് സമയം തീരുമാനിക്കും” എന്നും മമത ബാനർജി കൂട്ടിച്ചേർത്തു.
