സംസ്ഥാന മുഖ്യമന്ത്രി പിണറായി വിജയന്റെ ഹിന്ദു പത്രവുമായുള്ള അഭിമുഖത്തിലെ മലപ്പുറം പരാമർശത്തിൽ വിശദീകരണം ആവശ്യപ്പെട്ട് ഗവർണർ ആരിഫ് മുഹമ്മദ് ഖാൻ. ചീഫ് സെക്രട്ടറിയെയും ഡിജിപിയെയും ഗവർണർ നേരിട്ട് വിളിപ്പിച്ചു.
ഇരുവരോടും നേരിട്ടെത്തി പ്രസ്താവന വിശദീകരിക്കാനാണ് ഗവർണറുടെ നിർദേശം. ഇതിനായി നാളെ വൈകിട്ട് നാല് മണിക്ക് രാജ്ഭവനിൽ എത്തിച്ചേരാനാണ് ആവശ്യപ്പെട്ടിരിക്കുന്നത്.
മലപ്പുറം ജില്ലയിലെ സ്വർണക്കടത്ത്, ഹവാല കേസുകൾ കൃത്യമായി വിശദീകരിക്കണമെന്നും ഇതിൽ ഉൾപ്പെട്ട ദേശവിരുദ്ധ ശക്തികൾ ആരെന്നകാര്യം വ്യക്തമാക്കണമെന്നും ഗവർണർ അറിയിച്ചു. മാത്രമല്ല, ഈ വിവരം അറിഞ്ഞിട്ടും എന്തുകൊണ്ട് അറിയിച്ചില്ലെന്ന് വ്യക്തമാക്കണമെന്നും അദ്ദേഹം ആവശ്യപ്പെട്ടു. മലപ്പുറത്തിനൊപ്പം ഫോൺ ചോർത്തലും വിശദീകരിക്കണം.
